Tuku litasiya pi Jehová kinkasikulunatlawayan

8:6-9, 12; 9:1-5, 23, 24

Jehová tlawalh pi lhkuyat xmasputulh xapulana tamakamastan. Chuna Jehová limasiyalh pi xkamakgamakglhtinan chu xkatataya Aarón chu xkamanan xlakata sacerdotes xlitaxtukgolh chu kamakgpuwantinilh israelitas tiku anta xwilakgolh pi nachuna xtlawakgolh. La uku, Jehová limaklakaskima Jesús kʼakgapun xlakata wa xaPuxku Sacerdote nalitaxtu (Heb 9:11, 12). Kkata 1919, Jesús kalaksakli akgtum grupo tiku xatalaksakni xlakata «skujni xatalipaw chu xaskgalala» xlitaxtukgolh (Mt 24:45). ¿Tuku liwana litasiya pi Jehová kasikulunatlawama chu katataya uma skujni?

• Skujni xatalipaw chuntiya kinkamaxkiman liwat xaʼespiritual maski ankgalhin kinkaputsastalanikanan.

• Xalaktlan tamakatsinin talichuwinama «kxlikalanka katiyatni», chuna la xlichuwinankanit (Mt 24:14).

¿La limasiyayaw pi tatayayaw skujni xatalipaw chu xaskgalala?