LECCIÓN 15

Kaʼakxilhka pi kanajlaya tuku lichuwinampat

1 Tesalonicenses 1:5

TUKU NATALICHUWINAN: Kalimasiya pi liwana kanajlaya tuku lichuwinampat chu pi tuku lichuwinampat lu xlakaskinka xpalakata tiku kgaxmatnimakgon.

Liwana kalakkaxwili. Kalikgalhtawakga tuku nalichuwinana asta na’akgatekgsa tuku xlakaskinka chu la Biblia kgalhmakgtaya. Kaliskujti xlakata ni tuwa nalichuwinana tuku xlakaskinka chu ni lhuwa tachuwin namaklakaskina. Kalakpuwanti la tlan nakamakgtaya tuku nalichuwinana tiku nakgaxmatnikgoyan. Kaskini Jehová pi kamaxkin x’espíritu santo.

Pixlanka kamakgatawakga xlakata namakiya kmintalakapastakni tuku nalichuwinana chu tlakg tlan namatitaxtiya.
Kamaklakaskinti tachuwin nema nalimasiya pi kanajlaya tuku lichuwinampat. Kamaklakaskinti mintachuwin nixawa kaj nalikgalhtawakgaya tuku tatsokgtawilanit. Kamaklakaskinti tachuwin nema nalimasiya pi xlikana kanajlaya tuku lichuwinampat.
Kawanti tuku xlikana chu kminaku kataxtucha tuku nawana. Kachuwinanti chuna la tlan natakgaxmata tuku wana. Niku talismaninit, kakalakaʼakxilhti tiku kgaxmatnimakgon.

Kalakapastakti pi kanajlakan tuku wankan ni watiya wamputun xatasitsi chuwinankan, nawankan pi wi tuku xlikana maski ni chuna o natatlankikan. Kalimasiya pi kanajlaya tuku lichuwinampat pero kalimasiya tapaxkit.