LECCIÓN 5

Liwana kakgalhtawakga

1 Timoteo 4:13

TUKU NATALICHUWINAN: Pixlanka kalikgalhtawakga chuna la tatsokgnit kpágina.

Liwana kalakkaxwili. Kalilakpuwanti tuku xlakata tsokgka uma. Kalimakgatawakga nalikgalhtawakgaya akglhuwa tachuwin chu ni kaj akgatunu akgatunu. Kuenta katlawa xlakata ni namaliwakaya, ni namakglhtiya o ni nalakgpaliya tachuwin. Kuenta katlawa niku an coma, punto, signos xla takgalhskinin chu atanu.

Kaskini chatum miʼamigo pi kakgaxmatnit mintakgalhtawakga chu kawanin tuku tachuwin ni liwana likgalhtawakga.
Kawanti akgatunu tachuwin chuna la xlilat. Komo ni katsiya la wankan akgtum tachuwin, kakgaxpatti xgrabación likgalhtawakga o kaskini xtamakgtay tiku lu tlan likgalhtawakganan.
Kataʼakgatekgsli tuku nawana. Liwana kawanti tachuwin, ni katakilhputa chu liwana katakgalhpitsi. Kaliskujti xlakata nawana pulakatunu sílaba.

Ni kamalakatsali la wankan akgtum tachuwin xlakata uma natlawa pi nitlan natakgaxmata.