Tlan kalikatsi

Tuku tlawalh Jesús

VIDEO: Jesús mapaksa chatum chixku tiku lakgaxokgo xwanit

1. Kaʼakxilhti VIDEO o kalikgalhtawakga Juan 9:​1-7. Alistalh kalilakpuwanti umakgolh takgalhskinin:

1. 1. ¿Tuku pulana tlawalh Jesús: pulana litachuwinalh xalaktlan tamakatsinin chixku, o pulana mapaksalh? (Kalikgalhtawakga Juan 9:​35-38).

2. 2. ¿Tuku xlakata uma chixku kgaxmatniputulh Jesús?

¿Tuku kinkamasiyaniyan tuku tlawalh Jesús?

2. Max chatum lataman tlakg nakinkakgaxmatniputunan komo na’akxilha pi xlikana lilakgaputsayaw.

Katlawa chuna la Jesús

3. Kalimasiya pi makgkatsiya tuku makgkatsima. Kalilakpuwanti tuku makgkatsima tiku tachuwinampat.

1. 1. Kalilakpuwanti: «¿Tuku max lilakgaputsama? ¿Tuku max xlakgatilh o tuku max xmakgtayalh?». Umakgolh takgalhskinin namakgtayayan tlakg tlan nalikatsiniya.

2. 2. Kaks kakgaxpatni tiku tachuwinampat xlakata nalimasiyaniya pi lilakgaputsaya tuku xla lilakgaputsama. Komo nawaniyan tuku makgkatsi o nalitachuwinanan akgtum xtaʼakglhuwit, ni atanu tuku kalitachuwinanti.

4. Kalimaklakaskinti laktsatata tachuwin chu kalimasiya kakni. Akxni wi tiku xlikana lakgalhamanaw chu xlikana makgtayaputunaw, litasiya chuna la tachuwinanaw. Wa xlakata liwana kalaksakti tuku nawana chu la nawana. Ni kawanti tuku nitlan namamakgkatsini tiku tachuwinampat.

5. Kamakgtaya. Komo matlaniya, kamakgtaya tiku tachuwinampat. Akxni wi tuku tlawayaw xpalakata tiku tachuwinamaw, max natlawa pi tlakg nakinkakgaxmatniputunan.