Tamasiy xalak Biblia nema lu lakgatiyaw masiyayaw

Jesús wa pi latamanin tiku kgalhikgo tlan naku, xʼamakgo katsiputunkgo xaxlikana (Juan 10:​4, 27). Wa xlakata kamasiyaniputunaw tuku xaxlikana masiya Biblia putum latamanin tiku nakatachuwinanaw. Akxni namatsukiyaw takgalhchuwin tlan nawanaw «¿Xkatsiya pi…?» o «¿Minit kilhtamaku kgaxpatnita pi…?» chu alistalh nalichuwinanaw pulaktum tuku masiya Biblia. Alistalh tlan naputsayaw akgtum texto xalak Biblia nema lichuwinan uma. Akxni kalitachuwinanaw latamanin tuku masiya Biblia, xtachuna la komo chamaw akgtum talhtsi kxnakujkan. ¡Chu Dios tlan namastaka! (1 Cor. 3:​6, 7).

• Kkilhtamaku nema aku mima

• Familia

• Dios

• Oración

• Jesús

• Xtamapakgsin Dios

• Tapatin

• Linin

• Takanajla

KKILHTAMAKU NEMA AKU MIMA

1. 1. Tuku nitlan lama chu la likatsikgo latamanin limasiya pi nialh makgas tlakg tlan nalatamayaw (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. Katiyatni nikxni katimalakgsputuka (Sal. 104:5; Ecl. 1:4).

3. 3. Nalakkaxtlawakan putum tuku nitlan tlawanikanit Katiyatni (Is. 35:​1, 2; Apoc. 11:18).

4. 4. Kkilhtamaku nema aku mima, nialhti katitatatlalh (Is. 33:24; 35:​5, 6).

5. 5. Wix tlan nalatapaya putum kilhtamaku kKatiyatni (Sal. 37:29; Mat. 5:5).

FAMILIA

1. 6. Xachixku «xlipaxkit xpuskat chuna la xʼakstu paxkikan» (Efes. 5:33; Col. 3:19).

2. 7. Xapuskat lu xlimaxkit kakni xchixku (Efes. 5:33; Col. 3:18).

3. 8. Talakaskin pi xachixku chu xapuskat ni nalaʼakgskgawikgo (Mal. 2:16; Mat. 19:​4-6, 9; Heb. 13:4).

4. 9. Kamanan tiku kamaxkikgo kakni xnatlatnikan chu kakgalhakgaxmatkgo, tlan nakakitaxtuni (Prov. 1:​8, 9; Efes. 6:​1-3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

DIOS

1. 10. Dios kgalhi xtukuwani (Sal. 83:18; Jer. 10:10).

2. 11. Dios kinkamakatsiniputunan tuku lu xlakaskinka (2 Tim. 3:​16, 17; 2 Ped. 1:​20, 21).

3. 12. Dios xaʼakgstitum chu ni laksakpaxkinan (Deut. 10:17; Hech. 10:​34, 35).

4. 13. Dios kinkamakgtayaputunan (Sal. 46:1; 145:​18, 19).

ORACIÓN

1. 14. Dios lakaskin pi katlawaniw oración (Sal. 62:8; 65:2; 1 Ped. 5:7).

2. 15. Biblia kinkamasiyaniyan la natlawayaw oración (Mat. 6:​7-13; Luc. 11:​1-4).

3. 16. Putum kilhtamaku kilitlawatkan oración (Mat. 7:​7, 8; 1 Tes. 5:17).

JESÚS

1. 17. Jesús chatum tlan makgalhtawakgena litaxtulh chu xtastakyaw ankgalhin makgtayanan (Mat. 6:​14, 15, 34; 7:12).

2. 18. Jesús lichuwinalh tuku xʼama la nema kgantaxtuma la uku (Mat. 24:​3, 7, 8, 14; Luc. 21:​10, 11).

3. 19. Jesús wa xKgawasa Dios (Mat. 16:16; Juan 3:16; 1 Juan 4:15).

4. 20. Jesús ni wa Dios (Juan 14:28; 1 Cor. 11:3).

Based on NASA/Visible Earth imagery

XTAMAPAKGSIN DIOS

1. 21. Xtamapakgsin Dios akgtum tamapakgsin nema wi kʼakgapun (Dan. 2:44; 7:​13, 14; Mat. 6:​9, 10; Apoc. 11:15).

2. 22. Xtamapakgsin Dios natawila xlakgxokgo putum mapakgsinanin xalak Katiyatni (Sal. 2:​7-9; Dan. 2:44).

3. 23. Kajwatiya xTamapakgsin Dios tlan nalakkaxtlawa putum tuku nitlan anan kkakilhtamaku (Sal. 37:​10, 11; 46:9; Is. 65:​21-23).

TAPATIN

1. 24. Dios ni wa tiku kinkamakgapatinanan (Deut. 32:4; Sant. 1:13).

2. 25. Satanás wa tiku mapakgsinama kkakilhtamaku (Luc. 4:​5, 6; 1 Juan 5:19).

3. 26. Dios akxilha chuna la patinampat chu makgtayaputunan (Sal. 34:​17-19; Is. 41:​10, 13).

4. 27. Nialh makgas Dios namasputu tapatin (Is. 65:17; Apoc. 21:​3, 4).

LININ

1. 28. Tiku nikgonita nialhtu katsikgo chu nitu patinamakgo (Ecl. 9:5; Juan 11:​11-14).

2. 29. Tiku nikgonita nila kinkamakgtayakgoyan chu nila kinkatlawanikgoyan tuku nitlan (Sal. 146:4; Ecl. 9:​6, 10).

3. 30. Tiku xkapaxkiyaw nema nikgonita nalakastakwanankgo (Job 14:​13-15; Juan 5:​28, 29; Hech. 24:15).

4. 31. «Nialhti katinilh» (Apoc. 21:​3, 4; Is. 25:8).

TAKANAJLA

1. 32. Dios ni makgamakglhtinan putum takanajla (Jer. 7:11; Mat. 7:​13, 14, 21-23).

2. 33. Dios xkajni tiku lakgaputiyunankgo (Is. 29:13; Miq. 3:11; Mar. 7:​6-8).

3. 34. Tapaxkit wa tuku litalakgapasa xaxlikana takanajla (Miq. 4:3; Juan 13:​34, 35).