TAKGALHSKININ XLAKATA BIBLIA

¿Tiku tlawalh Akgskgawini?

Dios ni tlawalh Akgskgawini. Dios tlawalh chatum ángel nema alistalh Akgskgawini o Satanás litaxtulh. La wamputulh Jesús, Akgskgawini ni akgsanina chu ni makgnina xwanit la uku. Na xkam Dios xalak akgapun xwanit. (Kalikgalhtawakga Juan 8:44.)

¿La kitaxtulh pi chatum ángel lu lixkajni likatsilh?

Ángel tiku Akgskgawini litaxtulh talalakatawakalh Dios chu tlawalh pi Adán chu Eva na xtatayakgolh. Akstu Akgskgawini litaxtulh, uma wamputun «Tiku nitlan tuku limawakanan» chu Satanás uma wamputun «Lakatayana». (Kalikgalhtawakga Génesis 3:1-5 chu Apocalipsis [Revelación] 12:9.)

Nachuna la putum xʼángeles Dios, uma tiku Akgskgawini litaxtulh na tlan akstu xlaksaka komo natlawa tuku tlan o tuku nitlan. Pero xla lu xlakaskin pi wa xkakninanika, wa xlakata asta nialh kgalhakgaxmatli Dios. (Kalikgalhtawakga Mateo 4:8, 9 chu Santiago 1:13, 14.)

¿Tuku tlawanit Akgskgawini xlakata nakaʼakgchipa latamanin? ¿Kilipekuanitkan? Xatakgalhtin natekgsa kBiblia.