Makgapitsi tuku namakgtayayan nalikgalhtawakgaya Biblia chali chali

¿Tuwa makgkatsiya nalikgalhtawakgaya Biblia chali chali xlakata lhuwa tuku militlawat? (Jos. 1:8). Kalitsakgsa natlawaya uma:

• Kalakkaxwili tuku namalakapastakayan chali chali. Kawili alarma kminteléfono xlakata namalakapastakayan pi lakgchanita hora nalikgalhtawakgaya Biblia.

• Kawili miBiblia niku tlan naʼakxilha. Komo xakapsnat likgalhtawakgaya Biblia, kawili niku tlan naʼakxilha chali chali (Deut. 11:18).

• Kakgaxpatti kxaʼaudio. Tlan nawiliya xagrabación Biblia maski wi tuku tlawapat. Tara, chatum precursora tiku wilakgo xkamanan chu katsisni skuja, wan: «Akxni wi tuku kliskujma kchiki, kkgaxmata Biblia xaʼaudio, chu uma kimakgtaya, xlakata xtachuna la klikgalhtawakgama kiBiblia chali chali».

• Ni kalimakgxtakgti nipara akgtum kilhtamaku. Komo wi tuku nala nema ni xlakkaxwilinita chu nila likgalhtawakgaya Biblia hora nema xlaklhkawilinita, kalikgalhtawakga maski kaj makgapitsi versículos akxni pimpata tapaya. Tlakg tlan maski kaj tsinu nalikgalhtawakgaya, nixawa nitu nalikgalhtawakgaya (1 Ped. 2:2).