Yu Save?
(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 17. Bilong kisim sampela save moa, lukim buk “Insight on the Scriptures,” em Sosaiti Wastaua bilong Nu Yok i wokim.)
1. Taim Jisas i krosim ol saveman bilong lo na ol Farisi, em i tok ol i bin kilim husat “namel long haus bilong God na alta”? (Matyu 23:35)
2. Husat em i namba wan pikinini man bilong Benjamin? (Stat 46:21)
3. Husat pris long lain bilong Aron i gat nem olsem man bilong raitim gen buk bilong Lo na skulim ol man long en? (Nehemia 8:1, 2)
4. Man i mas kamap wanem samting long ai bilong ol man bilong graun bambai em i kamap saveman tru? (1 Korin 3:18, 19)
5. Pol i tok, wanem samting i save kamap long pasin bilong laikim tumas mani? (1 Timoti 6:10)
6. As bilong karis bilong God long heven em Esekiel i lukim long driman i luk olsem wanem samting? (Esekiel 1:22)
7. Taim ol i kisim Pol i go long Rom olsem wanpela kalabusman, ol boskru i pret, nogut sip bilong ol i go pas long wanem samting? (Aposel 27:17)
8. Stik bilong Aron i bilong wanem diwai? (Namba 17:8)
9. Lot i mekim wanem samting bilong lukautim tupela man i kam lukim em bambai ol bikhetman i no ken bagarapim ol? (Stat 19:6-8)
10. Husat man bilong Kenan em i papa bilong meri bilong Juda? (Stat 38:2)
11. Jehova i “birua tru” long man i mekim wanem kain tok? (Sindaun 12:22)
12. Bikpela i tokim Elaija olsem 7,000 manmeri bilong Israel i no bin brukim skru long wanem god giaman? (1 King 19:18)
13. Wanem tok ol i bin mekim wok long en bilong tanim tok Hibru “Sheol” na tok Grik “Hades,” na dispela i paulim tingting bilong ol man long samting i painim ol man i dai pinis? (Aposel 2:31, King James Version)
14. Husat i popaia na sutim tok long stretpela meri Hana olsem em i bin dring wain? (1 Samuel 1:13)
15. Long kongrigesen bilong Rom, Pol i kolim husat olsem man ‘i gat nem long bihainim Krais tru’? (Rom 16:10)
16. Long 4-pela Gutnius, ol i kamapim tok bilong wanem aposel inap planti taim winim ol narapela 11-pela aposel? (Matyu 15:15)
17. Pol i tokaut long wanem samting na ol i no wipim em? (Aposel 22:25-29)
18. Nikodemus i putim wanem samting long Jisas bilong redim bodi bilong em long planim? (Jon 19:39)
19. Jisas i bin oraitim hamas man i gat sik lepra na wanpela tasol i kam bek bilong tenkyu long em? (Luk 17:12-19)
20. Lo i tambuim pasin bilong tok nogut long man i gat wanem kain hevi na em i no inap helpim em yet? (Wok Pris 19:14)
[Blok long pes 17]
Ol Bekim
1. “Sekaraia, pikinini bilong Berekia”
2. Bela
3. Esra
4. Longlong man
5. “Olgeta pasin nogut,” na wanpela i olsem, pasin bilong pulim man long “lusim bilip”
6. Olsem ‘gutpela glas i lait tumas’
7. Long wesan i stap namel long solwara
8. Diwai amon
9. Em i laik givim tupela pikinini meri bilong em long ol
10. Sua
11. Tok giaman
12. Bal
13. Hel
14. Hetpris Eli
15. Apeles
16. Pita
17. Em i man bilong Rom
18. Sanda
19. Tenpela
20. Yaupas