Taim Pikinini i Dai

◼ Taim pikinini i dai, dispela em i wanpela bikpela hevi tru long ol famili na ol pren bilong em, na moa yet long papamama bilong em. Wanpela mama em pikinini man bilong em i gat 16 krismas i bin dai long wanpela paia em i tok: “God i no larim yumi i kisim ples bilong pikinini bilong yumi i dai pinis o larim yumi i dai wantaim ol, nogat.”

Tasol em i tok moa olsem: “God i tokim yumi pinis long wanem samting bai painim ol man i dai pinis, olsem na dispela i mekim na mi wantaim man bilong mi i no kros o lusim stretpela tingting.” Em i tok olsem “God bilong yumi i no mekim dispela samting long pikinini man bilong mipela, na Em i gat laik long kirapim bek ol man dai pinis long wanpela paradais long graun. Long ai bilong tingting, mipela inap piksaim pikinini bilong mipela i stap laip, em i amamas na i gat gutpela helt, na i stap wantaim ol pren na famili bilong em.”

Tasol maski ol man i bilip long tok promis bilong God long kirapim bek ol man i dai pinis, ol i mas kisim tok bilong mekim gut bel bilong ol, olsem dispela mama i bin kisim long ol pren bilong em. Em i tok: “Planti tok bilong Baibel na ol gutpela samting ol narapela i mekim long mipela, ol i bin kisim long buklet Taim Wanpela Long Famili i Dai. Mipela i bin kirapim olgeta i stap klostu long mipela long ritim dispela buklet na bai ol i ken pilim gut tingting bilong mipela na dispela bel hevi mipela bai wok yet long karim.”

Ating yu o wanpela yu save long en em bai kisim gutpela helpim taim em i ritim dispela buklet Taim Wanpela Long Famili i Dai. Bilong kisim dispela buklet, yu ken raitim nem bilong yu long hap hia na salim long atres i stap long dispela hap o i stap long pes 5 bilong dispela nius.

□ Salim wanpela buklet, Taim Wanpela Long Famili i Dai, i kam long mi.

□ Plis kam lukim mi, mi laik stadi long Baibel, no gat pe.