Ol i Stap Wanbel Namel Long Ol Man i Stap Birua Birua
Dispela samting i kamap tru
Yu yet yu ken i kam lukim . . .
Kam long “STAP WANBEL LONG KINGDOM” Kibung Distrik
Ol lain man i bruk bruk na ol i stap birua birua. Dispela samting i laik bagarapim ol. Tasol long dispela yia yu inap lukim narapela kain samting i kamap.
Yu inap lukim milion milion manmeri bilong ol narapela narapela lain na skin na tok ples ol i bung wantaim long ol narapela narapela hap bilong graun. Na ol i STAP WANBEL. Dispela lain Kristen ol i stap wanbel long ol fopela de bilong kibung ol i makim gutpela pasin bilong i stap wanbel i stap namel long ol Kristen tru long olgeta hap bilong graun.
Nogut Yu Lus long Lukim Dispela!
Long planti kibung bai ol misineri i stori long ol samting i bin painim ol long hap ol i mekim wok misineri long en. Dispela samting tu bai helpim yu long save, ol Kristen tru i stap wanbel tru. Na bai yu amamas long lukim tupela pilai i kamapim tok bilong Baibel na i bilong helpim famili long i stap wanbel, na bilong helpim yumi long save, God i helpim wok Kristen bilong yumi.
Gutpela sapos yu stap long kibung long Fonde long 1:20 p.m. taim kibung i kirap. Bai yu kisim wanpela samting na bai yu amamas long i go tilim long ol man long apinun.
Long Fraide i gat sampela gutpela tok bilong helpim ol papamama na pikinini long ol samting i save kamap pikinini long ol samting i save kamap long skul. Na long Fraide na Sarere long apinun bai i gat gutpela samting i kamap.Long Sande yu inap harim gutpela pablik-tok, nem bilong en: “Husat Ol i Stap Wanbel Namel long Ol Man i Stap Birua Birua?”
Gutpela Sapos Yu Stap long Kibung long Fopela De Olgeta
I gat 16 kibung distrik bai kamap long hap bilong Papua Niugini, olsem na yu inap i go long kibung i kamap klostu long hap yu stap long en. Askim 01 Witnes Bilong Jehova wanem taim na long wanem hap kibung bai kamap klostu long hap yu stap long en.