Mekim Wok Long Kaset Bilong Lainim Pikinini

Tingting bilong pikinini em i olsem wanpela samting i save pulim wara, ol i kolim spans. Samting ol i harim em i save go insait kwik long tingting bilong ol na maus bilong ol i save kolim ol samting ol i bin harim. Sapos ol i laik long harim ol gutpela samting na samting bilong helpim ol, em gutpela tru! Planti papamama i bin kisim ol kaset (tok Inglis) bilong My Book of Bible Stories, na ol i amamas long pikinini bilong ol i laik harim ol dispela stori. Ol pikinini i save putim yau tru long harim ol dispela tok long kaset, olsem wanpela mama bilong Nu Yok i tok:

“Pikinini man bilong mi i gat 17 mun na em i laik tru long harim ol stori long kaset. Sapos wanpela kaset i pinis em i save krai na makim tep-rikoda long han bilong em; em i laik bai mi putim narapela kaset.

“Pikinini meri bilong mi i gat 3-pela krismas, na dispela kaset i bin helpim em tu. Nau em yet inap kolim stori bilong Devit na Golaiat, na em i save makim nek Bilong Golaiat olsem kaset i kolim. Em inap kolim planti stori em i bin lainim long ol dispela kaset.

“Taim mi kaunim My Book of Bible Stories long tupela, pikinini man i wok long harim, na pikinini meri i save kolim wantaim mi, long wanem, em i kisim pinis ol dispela tok long kaset na i stap long tingting bilong em.”

Olgeta 116 stori bilong My Book of Bible Stories (tok Inglis) ol i stap long ol dispela kaset, na sapos man i harim ol dispela stori em inap kisim save long ol bikpela as tok bilong Baibel. Olsem na dispela i gutpela samting tru bilong lainim ol pikinini! Albam (karamap) wantaim 4-pela kaset em K7 tasol.

Plis salim dispela albam wantaim 4-pela kaset long mi i gat ol tok Bilong My Book of Bible Stories long en (tok Inglis). Mi putim olsem K7 i stap insait long dispela pas.