Ol Miting Bilong Wok Bilong Oktoba
Wik i Kirap long Oktoba 3
Singsing 203
10 min: Ol toksave bilong kongrigesen, na sampela toksave i stap daunbilo. Toksave long “Memorial Bilong 1994.”
17 min: “Nau Em Taim.” Ol askim na bekim. Brata i lukautim dispela hap em yet i mas redim sampela gutpela askim bilong ol wan wan paragraf. Sapos yu gat taim, kaunim sampela paragraf yu bin makim bilong kaunim. Lukim hap bilong “Ol Yangpela—Mekim Jehova i Belgut Tru (Namba 2 Hap)” i stap long Wok Kingdom Bilong Yumi bilong Novemba 1993, na kamapim sampela tok bilong paragraf 8-10 i stap aninit long het-tok, “Wok Long Winim Sampela Mak Long Wok Bilong Spirit.”
18 min: Givim Kaikai Long Maus, i No Lek. Wanpela elda i ken lukim ol tok i stap long pes 21-23 bilong Wastaua bilong Mas 15, 1994, na mekim tok. Em i ken stori long pasin bilong ol tumbuna long Papua Niugini bilong planim man i dai pinis. Stori gut long ol tok bilong dispela het-tok, “Bilong Wanem Sampela i Stap Narapela Kain?”
Singsing 212 na beten.
Wik i Kirap long Oktoba 10
Singsing 104
10 min: Ol toksave bilong kongrigesen. Ripot bilong ol akaun. Sapos kongrigesen i bin salim sampela kontribusen i go long Sosaiti na long laspela pepa Statement Sosaiti i bin tok tenkyu long dispela, orait tokim kongrigesen long dispela samting.
20 min: Em Pasin Stil Tru? Wanpela elda i ken lukim ol tok i stap long pes 19-21 bilong Wastaua bilong Epril 15, 1994, na mekim tok. Kaunim paragraf 3 long pes 20 na stori gut long en, na bai ol brata sista i ken save, sapos ol i no kisim tok orait na ol i “dinau” long mani bilong kongrigesen, em wanpela bikpela rong tru.
15 min: “Was Gut, Nogut Yumi Popaia na Helpim Man.” Mekim olsem wanpela tok.
Singsing 108 na beten.
Wik i Kirap long Oktoba 17
Singsing 194
10 min: Ol toksave bilong kongrigesen. Kamapim Sampela Stori Long Wok Bilong Kingdom.
15 min: “Helpim Ol Baibel-Stadi Long Redim Stadi Bilong Ol.” Ol askim na bekim. Brata i lukautim dispela hap em yet i mas redim sampela gutpela askim bilong ol wan wan paragraf. Sapos yu gat taim, kaunim sampela paragraf yu bin makim bilong kaunim. Mekim soim olsem: Pablisa i helpim nupela Baibel-stadi long save long ol samting em i ken mekim bilong redim stadi bilong em.
20 min: “Long Pasin Sori Helpim Ol Man i Laik Harim Tok.” Toktok wantaim ol brata sista long ol dispela tok. Tokim sampela long redi na bai ol i ken mekim tupela soim long pasin bilong mekim tok olsem i stap daunbilo.
Singsing 156 na beten.
Wik i Kirap long Oktoba 24
Singsing 141
5 min: Ol toksave bilong kongrigesen.
7 min: Askim. Kaunim ol tok na toktok wantaim ol brata sista long en.
15 min: Olsem Wanem? Yu Gat Wanpela Oda? Tupela magasin Wastaua na Kirap! ol i mekim bikpela wok bilong helpim ol man long olgeta hap long save long tok bilong Kingdom. Yumi mas tilim long olgeta taim yumi gat rot. Gutpela sapos olgeta wan wan pablisa i gat oda bilong magasin—ol i mas makim stret hamas ol nupela nupela magasin ol i laik kisim. Sapos yumi no mekim olsem, ating bai yumi no gat ol nupela magasin bilong tilim na yumi mas tilim ol liklik nius o buklet tasol. Olsem na gutpela sapos olgeta wan wan long famili i gat oda. Givim oda long brata bilong lukautim ol magasin. Kisim ol nupela magasin bilong yu long olgeta wik. Stori long ol gutpela samting i save kamap sapos yumi gat oda.
18 min: “Tingim Kingdom Bilong God Pastaim—Oltaim Litimapim Nem Bilong God, Olsem Ofa.” Ol askim na bekim. Brata i lukautim dispela hap em yet i mas redim sampela gutpela askim bilong ol wan wan paragraf. Sapos yu gat taim, kaunim sampela paragraf yu bin makim bilong kaunim. Kolim sampela gutpela mak yumi yet i ken putim bilong winim. Stori long sampela samting yumi ken mekim bilong helpim ol narapela long mekim sampela wok moa.
Singsing 171 na beten.
Wik i Kirap long Oktoba 31
Singsing 169
12 min: Ol toksave bilong kongrigesen. Ol holide bilong Krismas na Nuyia bai kamap long Disemba na Janueri, olsem na kirapim olgeta pablisa long ol i ken tingting long wokim pepa bilong mekim wok painia haptaim. Kamapim sampela tingting long olsem wanem ol inap painim hap taim bilong mekim dispela wok.
15 min: Sampela Tok Bilong Helpim Kongrigesen. Kamapim sampela tok bilong helpim kongrigesen. O wanpela elda i ken stori long ol tok bilong dispela hap, “Yu Inap Wet?” i stap long pes 21-23 bilong Wastaua bilong Me 15, 1994.
18 min: Tilim Baibel New World Translation Long Novemba. Planti man i gat Baibel pinis, olsem na yumi mas helpim ol long save, olsem wanem Baibel New World Translation i win. Sapos yu inap kaunim tok Inglis, lukim buk “All Scripture Is Inspired of God and Beneficial” (pes 327-328, par. 1-6). Stori long as na nem bilong Jehova i stap long Baibel, na olsem wanem i gutpela sapos yumi mekim wok long Baibel long tok Inglis bilong ol man long nau. Stori long ol gutpela samting i stap long baksait bilong Baibel, olsem “Bible Words Indexed,” em bilong helpim yumi long painim kwik ol skripsa yumi laik save long en. Hap bilong “Table of the Books of the Bible” i kolim nem bilong man bilong raitim ol wan wan buk na i kolim taim na ples em i bin raitim, na ol samting buk i stori long en i bin kamap long wanem taim. Sapos yu save long kaunim tok Inglis, yu ken lukim buk Reasoning (pes 59, het-tok “Bible prophecy explains the meaning of world conditions”), na stori long pasin bilong kirapim tok wantaim man long Baibel na mekim wok long Jon 17:3 na Song 37:10, 11, 29. Tokim wanpela strongpela pablisa long redi na bai em i ken mekim soim long pasin bilong tilim Baibel New World Translation wantaim buk Harim Tok Bilong Bikpela Tisa long ol man i stap long teritori bilong kongrigesen.
Singsing 136 na beten.