Ol Miting Bilong Wok Bilong Jun
Wik i Kirap Long Jun 3
Singsing 181
10 min: Ol toksave bilong kongrigesen. Sampela Toksave bilong Wok Kingdom. Stori long ripot bilong wok autim tok bilong kantri na bilong kongrigesen long dispela mun.
15 min: “Bihainim Pasin Bilong Bilip Bilong Ol.” Ol askim na bekim. Stori long sampela wok ol man i gat bilip i save mekim, olsem i stap long blok long Wastaua bilong Septemba 15, 1991, p. 13. Toktok wantaim wanpela o tupela pablisa na askim ol, wanem samting i bin helpim ol long mekim wok bilong Kingdom long olgeta taim inap planti yia.
20 min: “Autim Save i Bringim Man Long Laip Oltaim.” (Paragraf 1-3) Stori long paragraf 1. (Kamapim tu sampela tok i stap long Wastaua, Janueri 15, 1996, p. 12-13, par. 11-12.) Stori olsem, laspela pes bilong Wok Kingdom i senis na i no wankain olsem bilong bipo; ol tok i stap long en i bilong helpim yumi long redi na mekim gut ol gobek. Planti taim i gutpela long mekim gobek insait long wanpela o tupela de, na yumi no ken wet longtaim. Olsem na long wanpela Miting Bilong Wok bai yumi stori long pasin bilong autim tok long ol haus, na tu long pasin bilong mekim gobek. Stori liklik long paragraf 2 na 3, na bihain mekim soim em tupela paragraf i kamapim. Bai yumi mekim ol narapela soim i stap long dispela hap long tupela Miting Bilong Wok i kamap bihain.
Singsing 143 na beten.
Wik i Kirap Long Jun 10
Singsing 63
7 min: Ol toksave bilong kongrigesen. Ripot bilong ol akaun.
8 min: Skulim Ol Pikinini Long Mekim Wok Autim Tok. Wanpela elda i mekim dispela tok. Kirap long taim ol pikinini bilong yumi i liklik yet ol i mas wok wantaim yumi long autim tok. Dispela save na skul ol i kisim bai stap olsem as bilong bilip bilong ol na helpim ol long givim bel long autim tok taim ol i go bikpela. Ol i mas tingim wok autim tok olsem wanpela bikpela samting na mekim long gutpela pasin. Ol i no ken bikhet; taim bilong autim tok i no taim bilong pilai. I gutpela sapos ol i wok wantaim ol man i bikpela pinis. Yumi mas helpim ol na bai ol yet i ken toktok wantaim ol man bilong haus inap long skel na save bilong ol. (Lukim Wastaua, Mas 1, 1989, p. 16, par. 20.) Em wok bilong ol papamama long lukautim ol pikinini; ol i no ken salim ol pikinini i go long bung bilong autim tok sapos i no gat man bilong was long ol. Tok amamas long ol pikinini taim ol i mekim gutpela wok.
10 min: “Autim Save i Bringim Man Long Laip Oltaim.” (Paragraf 4-5) Mekim sotpela kirap bilong tok, na bihain mekim ol soim long pasin bilong autim tok long man yumi bungim long namba wan taim na long mekim gobek olsem i stap long paragraf 4 na 5. Kirapim ol pablisa long go bek hariap na lukim olgeta man i bin kisim buk Save.
20 min: “Kamapim Ol Disaipel Long Rot Bilong Buk Save.” Stori liklik long ol tok bilong paragraf 1-2 bilong kirapim tok. Kamapim ol tok bilong paragraf 3-11 long rot bilong ol askim na bekim. Tokim ol olsem: Long ol Miting Bilong Wok long Julai na Ogas bai yumi stori long narapela hap bilong dispela pepa. Kirapim olgeta long lukautim gut dispela pepa.
Singsing 92 na beten.
Wik i Kirap Long Jun 17
Singsing 157
10 min: Ol toksave bilong kongrigesen. Askim.
15 min: “Long Gutpela Pasin Toktok Wantaim Ol Man na Bai Ol i Ken Pilim.” Ol askim na bekim. Askim wanpela o tupela pablisa long kamapim sampela gutpela ekspiriens long olsem wanem ol man i bin harim gut tok taim ol i toktok wantaim ol long gutpela pasin.
20 min: “Autim Save i Bringim Man Long Laip Oltaim.” (Paragraf 7) Kamapim klia i gat wanem ol as na yumi mekim gobek: Bilong kirapim ol man long laikim tok, o kirapim stadi, o makim taim na de bilong go bek lukim ol. Stori liklik long ol soim bilong paragraf 6 na 7, na bihain mekim ol dispela soim i kamapim olsem wanem yumi ken kirapim wanpela stadi. Kaunim tok bilong Wastaua, Janueri 15, 1996, p. 14, par. 17.
Singsing 211 na beten.
Wik i Kirap Long Jun 24
Singsing 6
5 min: Ol toksave bilong kongrigesen.
20 min: Sampela tok bilong helpim kongrigesen. (O mekim wanpela tok nem bilong em “Autim Stret Tok Tru Bilong God,” olsem i stap long Wastaua bilong Janueri 1, 1996, p. 29-31.)
20 min: “Helpim Ol Long Mekim Gen Wok.” Wanpela elda i ken mekim dispela tok na toktok wantaim kongrigesen. Kirapim ol brata long mekim wok long stori “Sapos Yupela i Kam Bek Long Mi, Bai Mi Kisim Bek Yupela” olsem i stap long Wastaua bilong Ogas 1, 1992, bilong strongim ol pablisa i no mekim wok autim tok moa. Stori long sampela bikpela tok bilong en.
Singsing 71 na beten.