Ol Miting Bilong Wok Bilong Epril
Wik i Kirap Long Epril 5
Singsing 55
8 min: Ol toksave bilong kongrigesen. Sampela Toksave bilong Wok Kingdom. Singautim olgeta man i laik harim tok long kam long bikpela pablik-tok long Epril 18. Het-tok bilong en “Stap Pren Tru Bilong God na Ol Narapela Man.”
17 min: “Givim Bel Tru Long Autim Gutnius.” Mekim liklik tok tasol bilong kirapim tok, no ken winim 1 minit, na nau mekim ol askim na bekim. Bilong pinisim tok, mekim tok bilong strongim ol brata sista olsem i stap long hap “Wanem Wok Bilong Spirit Yu Laik Mekim Long Bihain?,” long buk Lo, p. 116.
20 min: “Olsem Wanem Olgeta Long Famili i Ken Wok Wantaim—Long Mekim Wok Autim Tok.” Wanpela famili i toktok wantaim. Ol i ken stori olsem, i gat wanem as na famili i mas tingim wok bilong autim tok i olsem wanpela wok olgeta i ken insait long en long olgeta wik. Stori long gutpela tok bilong strongim yumi long Wastaua, Septemba 1, 1993, p. 17, 18, par. 9-12. Askim ol papamama long stori long olsem wanem ol i bin stretim gut ol samting long olgeta wik long wok autim tok bilong famili.
Singsing 67 na beten.
Wik i Kirap Long Epril 12
Singsing 112
8 min: Ol toksave bilong kongrigesen. Ripot bilong ol akaun.
17 min: Sampela tok bilong helpim kongrigesen. O stori long hap “Lotuim Tumbuna” long buk Toktok Gut, p. 241-243.
20 min: “Wok Strong Moa Long Autim Tok Taim Pinis i Kam Klostu.” Ol askim na bekim. Toktok wantaim wanpela o tupela pablisa em bipo ol i no bin ting ol inap insait long wok autim tok, tasol nau ol i autim tok long olgeta taim, long wanem, ol i save taim i sot pinis na yumi mas autim tok bilong Kingdom. Sapos i gat taim yet, stori tu long sampela ekspiriens i stap long pepa yumi kisim wantaim Wok Kingdom bilong Septemba 1996, em i kamapim klia ol gutpela samting i save kamap taim ol pablisa i wok strong long autim tok long ol hap i gat man long en.
Singsing 93 na beten.
Wik i Kirap Long Epril 19
Singsing 79
5 min: Ol toksave bilong kongrigesen.
10 min: “Yu Gat Oda Bilong Yu?” Wanpela tok, sapos inap, elda o wokman i lukautim ol magasin i ken mekim. Toksave long kongrigesen i save kisim hamas magasin long wan wan mun, na hamas magasin ol i save tilim. Yumi no ken larim ol magasin i hip i stap long haus o long kongrigesen. Stori tu long hap “Mekim Gutpela Wok Long Ol Olpela Nius.”
30 min: “Wok Painia—Rot Bilong Mekim Gutpela Wok Long Taim Bilong Yumi!” Ol askim na bekim. Makim 3-pela pablisa long stori long ol ekspiriens i stap long paragraf 5 i go 7. Bilong pinisim tok, kirapim ol brata sista long tingting long putim aplikesen bilong wok painia haptaim o painia oltaim sapos ol inap mekim. Ol inap kisim ol aplikesen long ol brata long Komiti Bilong Lukautim Wok Bilong Kongrigesen. Toksave olsem i gat taim yet long putim aplikesen bilong wok painia haptaim long mun Me.
Singsing 165 na beten.
Wik i Kirap Long Epril 26
Singsing 70
10 min: Ol toksave bilong kongrigesen. Kirapim olgeta long putim ripot bilong wok autim tok bilong Epril. Toksave long nem bilong ol brata sista bai mekim wok painia haptaim long Me, na kirapim ol narapela tu long putim aplikesen. Stori long sampela gutpela rot bilong tilim sabskripsen.—Lukim Wok Kingdom, Oktoba 1996, p. 4.
20 min: “Bai Mi Mekim Wanem?” Inap sotpela taim toktok wantaim ol brata sista long dispela tok, na bihain mekim soim olsem wanpela yangpela i toktok wantaim papamama bilong em long ol samting em i tingting long mekim bihain long taim em i pinis long haiskul. Ol i stori wantaim long Wok Kingdom bilong Julai 1998, p. 4. Papamama i givim tok long pikinini i stret wantaim tok bilong Wastaua bilong Februeri 1, 1996, p. 14, na Disemba 1, 1996, p. 18, 19. Nau aua bilong ol painia i go daun olsem na yangpela i tingting long mekim wok painia taim em i stap yet long skul.
15 min: Toktok Wantaim Ol Painia Haptaim. Wasman bilong wok autim tok i toktok wantaim ol pablisa i mekim wok painia haptaim long dispela mun, na tu ol narapela i mekim wok painia haptaim long sampela mun i go pinis. Tokim ol long stori long sampela gutpela blesing ol i kisim, na wanem gutpela wok ol i bin kamapim, na bilong wanem ol i laik mekim wok painia haptaim gen wanpela o tupela mun long olgeta wan wan yia.
Singsing 69 na beten.