Ol Miting Bilong Wok

Wik i Kirap Long Mas 10

Singsing 5

10 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long p. 10, na mekim tupela narapela narapela soim long pasin bilong tilim Wastaua bilong Februeri 15 na Awake! bilong Februeri 22. Long wan wan soim, pablisa i stori long wanpela nius tasol, olsem Wastaua o Awake!, tasol em i mas tilim tupela nius wantaim long man.

15 min: Stori long ol bikpela tok bilong “Pas i Kam Long Gavening Bodi,” long p. 7-8, na kolim tu ol bikpela samting long ripot bilong olgeta hap i stap long Wastaua, Janueri 1, 2003, p. 12-15.

20 min: “Yumi Mas Givim Bel Tru Long Mekim Ol Gutpela Wok!”a (Par. 1-​12) Taim yu stori pinis long par. 6, mekim sotpela soim long pablisa i yusim liklik pepa bilong singautim man na em i singautim wanpela wanblut, neiba, wanskul, o wanwok long i kam long Memorial. Sapos yupela i no bin tilim yet ol pepa bilong singautim man i kam long Memorial na bai ol pablisa i ken kisim, orait yupela i mas mekim taim miting i pinis.

Singsing 19 na beten.

Wik i Kirap Long Mas 17

Singsing 34

10 min: Ol toksave bilong kongrigesen. Ripot bilong ol akaun.

15 min: Bihainim Gutpela Tingting Taim Yu Makim Ol Poroman. Wanpela elda i mekim dispela tok em i kisim long sapta 8 bilong buk Sampela Askim Bilong Ol Yangpela Ol Gutpela Bekim, na long buk Toktok Gut, long het-tok “Ol Poroman Nogut” long p. 419. Stori long olsem wanem ol stiatok long dispela samting i stret long ol yangpela na ol man i bikpela pinis. Kamapim klia ol gutpela samting i save kamap long pasin bilong makim ol pren namel long ol lain i laikim tru Jehova na ol i soim olsem ol i wok strong tru long bihainim ol stretpela lo bilong em.

20 min: “Yumi Mas Givim Bel Tru Long Mekim Ol Gutpela Wok!”b (Par. 13-​26) Wasman siaman i lukautim dispela hap. Taim yu stori long par. 14, mekim sotpela soim long wanpela elda i go lukim wanpela lapun brata i gat sik, na em i stori gut long dispela brata long olsem wanem em tu inap insait long wok bilong kongrigesen long mekim bikpela wok bilong autim tok long taim bilong Memorial.

Singsing 53 na beten.

Wik i Kirap Long Mas 24

Singsing 72

10 min: Ol toksave bilong kongrigesen. Bihainim ol tok i stap long p. 10, na mekim soim long pasin bilong tilim Wastaua bilong Mas 1.

15 min: Sampela tok bilong helpim kongrigesen.

20 min: Ol Witnes Bilong Jehova​​—⁠Lain i Helpim Sindaun Bilong Ol Man. Wanpela tok na kamapim sampela askim. Sampela taim i gat rot long yumi inap kamapim klia olsem wanem wok autim tok bilong yumi na gutpela pasin yumi bihainim i save helpim ol man. Askim odiens long kamapim sampela tok long ol dispela samting: (1) Yumi skulim ol man long bihainim ol lo bilong Baibel long stretpela pasin. (2) Yumi skulim ol man long bihainim pasin bilong mekim tok tru tasol na rispektim wok bos. (3) Yumi skulim ol man long pasin bilong i stap wanbel wantaim ol man bilong ol kain kain skin, kantri, na lain. (4) Yumi helpim ol narapela long mekim sindaun bilong ol long famili i kamap gutpela moa taim yumi kirapim ol long bihainim ol stiatok bilong Baibel. (5) Yumi bin skulim planti tausen manmeri long lain long rit na rait. (6) Yumi save givim ol samting bilong yumi yet bilong helpim ol narapela long taim bilong ol bikpela bagarap. (7) Yumi bin mekim bikpela wok long opim rot bilong ol lotu inap i stap fri long mekim ol samting ol i mas mekim.​​—⁠Lukim buk Proclaimers, p. 699.

Singsing 121 na beten.

Wik i Kirap Long Mas 31

Singsing 130

12 min: Ol toksave bilong kongrigesen. Kirapim olgeta long putim ripot bilong wok autim tok bilong Mas. Toksave long samting bilong tilim long Epril. Toktok wantaim long ol bikpela tok bilong “Ol Samting Bilong Tingim Long Memorial.”

13 min: Sampela ekspiriens. Askim ol brata sista long stori long sampela ekspiriens ol i bin kisim long taim bilong mekim bikpela wok long mun Mas. Tok amamas long ol wok ol i bin mekim, na kirapim olgeta long insait moa yet long dispela wok long mun Epril sapos sindaun bilong ol i orait long ol i ken mekim olsem.

20 min: “Yumi Mas Litimapim Nem Bilong Jehova.”c Strongim tok long olsem wanem Memorial i bikpela samting. Kamapim klia olsem wanem olgeta inap insait long wok bilong helpim ol narapela long i kam long dispela bung. Stori gut long ol samting yumi inap mekim bilong kirapim gen laik bilong ol man i bin lusim wok autim tok. Askim odiens long stori long sampela gutpela ekspiriens ol i bin kisim long Memorial long las yia.

Singsing 173 na beten.

Wik i Kirap Long Epril 7

Singsing 191

10 min: Ol toksave bilong kongrigesen.

15 min: Pasin Bilong Toktok Gut Wantaim Ol Man Long Baibel. Toktok wantaim ol brata sista na kamapim ol askim. Olsem wanem yumi inap kisim pasin bilong toktok gut wantaim ol man taim yumi autim tok? (1) Yumi mas i gat gutpela save long ol tok bilong Baibel long rot bilong mekim stadi bilong yumi yet na go oltaim long ol miting. (2) Tingim tingim long bel ol tok yumi kisim save long en. (3) Yumi laik kisim save long mining bilong ol tok i stap long Baibel, na long ol narapela tok bilong Baibel i strongim ol dispela tok. (4) Tingim olsem wanem yu bai kamapim gut ol tok bilong Baibel long ol kain kain man. (5) Tingim sampela tok piksa yu ken mekim bilong kamapim klia ol tok.

20 min: “Tok i Tru i Mekim Yumi i Stap Fri Olsem Wanem?”d Kamapim sampela tok bilong blok long Wastaua bilong Oktoba 1, 1998, p. 6. Askim odiens long stori long olsem wanem ol tok i tru bilong Baibel i bin helpim ol long i stap fri.

Singsing 217 na beten.

[Ol Futnot]