Ol Miting Bilong Wok

Wik i Kirap Long Epril 12

Singsing 93

10 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long laspela pes, na mekim soim long pasin bilong tilim Wastaua Mas 15 na Awake! Mas 22. Long tupela soim wantaim, pablisa i mas tilim tupela magasin wantaim, maski em i stori long wanpela magasin tasol. Long wan wan soim, kamapim narapela narapela pasin bilong autim tok long man i laik katim tok na i tok “Mi gat wok.”—Lukim buk Toktok Gut, p. 19-20.

15 min: “Givim Ol Nambawan Gutpela Samting Bilong Yumi Long Jehova”a Taim yu skelim par. 4, kirapim odiens long stori long wanem ol rot yumi ken soim pasin bilong laikim ol man taim yumi autim tok.

10 min: Askim. Ritim olgeta paragraf na ol skripsa. Mekim sampela tok moa, na kamapim klia ol bikpela tok bilong Askim i stap long Wok Kingdom Bilong Yumi bilong Mas 1998.

10 min: Yumi Mas Lukautim Ol Yangpela Pikinini Bilong Yumi. Wanpela elda i save mekim gut ol tok i lukautim dispela hap. Pasin bilong ol man bilong dispela graun i wok long i go nogut moa, olsem na sori tru, ol man inap mekim pasin sem, stilim, o kilim i dai ol pikinini bilong yumi. Bilong helpim ol pikinini bilong ol long lukaut long ol man nogut, planti papamama i bin lainim pikinini bilong ol long mekim ol dispela samting: (1) Tok nogat​—⁠tok strong tru—long olgeta man husat i traim long mekim sampela samting em pikinini i ting em i samting nogut. (2) No ken larim wanpela man o meri i holim sem samting bilong ol, tasol sapos dokta o nes i mas mekim, orait papa o mama i mas i stap wantaim pikinini. (3) Ranawe, singaut strong, bikmaus, o askim wanpela man o meri i stap klostu long helpim em taim hevi i laik kamap. (4) Tokim papamama long ol toktok na ol samting i bin kamap em pikinini i no amamas long en. (5) Pikinini i no ken haitim wanpela samting long papamama. Laspela samting, ol papamama i mas was gut taim ol i makim wanpela man o meri long lukautim pikinini bilong ol.

Singsing 91 na beten.

Wik i Kirap Long Epril 19

Singsing 55

8 min: Ol toksave bilong kongrigesen.

17 min: “Bihainim Tingting Bilong Jisas.”b Mekim wok long ol askim i stap pinis. Taim yu skelim par. 4, askim ol painia haptaim long stori long ol blesing ol i bin kisim taim ol i mekim dispela wok.

20 min: “Amamas Long Ol Samting Yu Gat.”c Kamapim klia tok Baibel i mekim long dispela samting, sapos i gat taim, ritim na stori gut long ol skripsa i stap long dispela hap.

Singsing 80 na beten.

Wik i Kirap Long Epril 26

Singsing 46

13 min: Ol toksave bilong kongrigesen. Ripot bilong ol akaun. Stori long blok “Putim Hap i Stap.” Kirapim ol pablisa long putim ripot bilong wok autim tok bilong mun Epril. Stori long samting bilong tilim long Me. Bihainim ol tok i stap long laspela pes, na mekim soim long pasin bilong tilim Wastaua bilong Epril 1 wantaim wanpela Kirap! Tilim tupela magasin wantaim, maski yu stori long wanpela magasin tasol. Long wanpela soim, pablisa i autim tok long wanwok o long wanskul.

15 min: “Gutpela Savetingting Bilong God.”d Sapos i gat taim, kirapim odiens long stori long ol skripsa.

17 min: Sampela tok bilong helpim kongrigesen.

Singsing 38 na beten.

Wik i Kirap Long Me 3

Singsing 48

10 min: Ol toksave bilong kongrigesen. Kirapim olgeta long givim ripot bilong ol long wok autim tok, maski ol pablisa i stap long hap bilong ol o ol i go raun long narapela hap.

20 min: “Ol Yangpela—Ritim Tok Bilong God!”e Stretim rot pastaim bilong wanpela o tupela yangpela i stori long sediul bilong ol long ritim Baibel na olsem wanem dispela i bin helpim ol. Strongim ol yangpela long putim mak long ritim Baibel olgeta. Kamapim sampela tok long buk Skul Bilong Autim Tok, p. 10, par. 4.

15 min: Bihainim Pasin Bilong Pol Olsem Em i Bin Bihainim Pasin Bilong Krais. (1 Ko. 11:1) Toktok wantaim ol bratasista na kamapim ol askim. Olsem Jisas, Pol i painim rot bilong autim tok long ‘ol manmeri i stap.’ (Ap. 17:17) Wanem ol rot i stap bilong yumi ken mekim olsem long teritori bilong yumi? Husat “i stap” taim yumi go long stua, stap long ples wok o skul, o raun long PMV samting? Yumi inap bungim husat taim yumi stap long haus? Kirapim odiens long kamapim ol ekspiriens ol i bin kisim taim ol i autim tok long ol man ol i bungim long wok na raun bilong ol long wan wan de.

Singsing 164 na beten.

[Ol Futnot]