Ol Miting Bilong Wok

Wik i Kirap Long Septemba 12

Singsing 29

10 min: Ol toksave bilong kongrigesen. Sampela Toksave bilong Wok Kingdom. Mekim wok long ol tok i stap long p. 8 na mekim soim long pasin bilong tilim Wastaua bilong Ogas 15 na Awake! bilong Ogas 22. Sapos kongrigesen i no kisim yet dispela tupela magasin, orait bihainim ol narapela pasin bilong tilim ol magasin na mekim soim long ol narapela nupela magasin em kongrigesen i gat. Makim wanpela elda long mekim wanpela soim na wanpela yangpela pablisa long mekim narapela soim. Bihain long wan wan soim, stori long sampela gutpela pasin bilong autim tok i kamap long soim.

20 min: “Mekim Gutpela Wok Long Taim Bilong Yu.”a Askim odiens long stori long olsem wanem ol i save makim haptaim bilong ritim Baibel long olgeta de. Kirapim olgeta famili na ol wan wan long mekim wok long namel pepa bilong Wok Kingdom bilong Me 2005 long makim haptaim long mekim ol wok bilong spirit.

15 min: “Mekim Ol Baibel Stadi i Save Helpim Ol Man.”b Toktok wantaim ol bratasista long namba 1 na 2 hap bilong namel pepa. Yu ken mekim wok tu long p. 1 long Wok Kingdom bilong Ogas 2004. Bilong wanem em i bikpela samting long redi gut paslain long yu mekim Baibel stadi? Yu mas mekim olsem wanem? Askim odiens long stori long olsem wanem ol i bin bihainim ol tok i stap long Wok Kingdom. Kamapim tok bilong blok i stap antap long namba wan pes bilong namel pepa.

Singsing 110 na beten.

Wik i Kirap Long Septemba 19

Singsing 168

10 min: Ol toksave bilong kongrigesen. Kamapim ol bikpela tok bilong pas i kam long brens i stap long namba 1 pes bilong dispela Wok Kingdom.

20 min: Olsem Wanem Long Wok Bilong Yumi Long Las Yia? Wasman autim tok i ken stori long ol samting kongrigesen i bin mekim long sevis yia i go pinis na long ol gutpela samting i bin kamap long wok autim tok. Mekim tok amamas long gutpela wok kongrigesen i bin mekim. Stori long wanpela o tupela samting em kongrigesen i ken wok strong long en long nupela yia. Stori long wok ol painia i bin mekim, na mekim tok amamas long gutpela wok bilong ol. Stori long ol gutpela samting i bin kamap long wok bilong helpim ol pablisa i bin lusim wok autim tok.

15 min: “Wok Long Strongim Ol Wanbilip.”c Askim odiens long stori long olsem wanem pasin bilong ol narapela long tingim ol i bin helpim ol.

Singsing 199 na beten.

Wik i Kirap Long Septemba 26

Singsing 122

10 min: Ol toksave bilong kongrigesen. Kamapim ripot bilong akaun na tok tenkyu long kontribiusen em kongrigesen i bin givim. Kirapim ol pablisa long putim ripot bilong wok autim tok bilong Septemba.

15 min: Tok bilong helpim kongrigesen.

20 min: Autim Tok Long Rot Bilong Ol Magasin. Long Oktoba bai yumi tilim Wastaua na Kirap! Long kirap bilong tok, stori long ol dispela tok i stap long Wok Kingdom bilong Mas 2005, p. 4, par. 3-6: (1) Tilim Wastaua na Kirap! wantaim. (2) Makim wanpela de long olgeta wan wan wik bilong insait long wok bilong tilim ol magasin. (3) Putim mak long hamas magasin yu laik tilim long olgeta mun. (4) Long olgeta taim painim rot bilong tilim ol magasin. (5) Mekim gutpela wok long ol olpela magasin. Stori long olsem wanem ol pablisa i ken bihainim ol dispela tok. Mekim wok long ol tok i stap long laspela pes bilong Wok Kingdom bilong mun Ogas na Septemba na mekim soim long pasin bilong tilim Wastaua bilong Septemba 1 na Kirap! bilong Julai-Septemba (sapos i stret long teritori bilong yupela). Yu ken mekim wok tu long ol narapela pasin bilong tilim magasin. I gat ol narapela stori i stap insait long Wastaua na Kirap! em ating ol man long teritori bai amamas long en, na mekim wanpela soim long kain stori olsem. Bihain long wan wan soim, stori long sampela gutpela pasin bilong autim tok i kamap long soim.

Singsing 3 na beten.

Wik i Kirap Long Oktoba 3

Singsing 54

5 min: Ol toksave bilong kongrigesen.

20 min: “Helpim Ol Man Long ‘Bihainim Tru’ Tok Bilong God.”d Askim odiens long stori long ol skripsa em ol i no kamapim tok bilong ol.

20 min: Mekim Jehova i Belgut. (Snd. 27:11) Toktok wantaim tupela o tripela bratasista em ol i bin stap gut long Jehova inap longpela taim. Askim wan wan bilong ol long stori long wanpela o tupela samting i bin helpim ol long bihainim tok bilong Jehova. Ol i ken stori long ol samting olsem, pasin bilong givim bel long stadi long Baibel, go oltaim long miting, bung wantaim ol bratasista, givim bel long autim tok, beten, na abrusim ol amamas nogut. Wanem ol samting i bin traim pasin bilong ol long bihainim tok bilong Jehova? Olsem wanem ol i bin karim ol dispela hevi? Ol i bin kisim wanem ol blesing taim ol i bihainim tok bilong Jehova?

Singsing 170 na beten.

[Ol Futnot]