Ol Miting Bilong Wok

Wik i Kirap Long Disemba 12

Singsing 32

13 min: Ol toksave bilong kongrigesen. Sampela Toksave bilong Wok Kingdom. Mekim wok long ol tok i stap long p. 8 na mekim soim long pasin bilong tilim Wastaua bilong Novemba 15 na Awake! bilong Novemba 22. Yu ken mekim wok long ol narapela pasin bilong autim tok. Taim soim i pinis, stori long olsem wanem i no hatwok long kamapim wanpela skripsa long tok bilong yumi. Stori liklik long dispela tok “Stadi Long Buklet Was i Stap!” long p. 5. Toksave long ol bratasista olsem dispela em sediul bilong stadi long dispela buklet. Kirapim olgeta bratasista long redim gut buklet na bekim tok long taim bilong stadi. Yumi bai stadi long dispela buklet long wik i kirap long Disemba 26. Kirapim olgeta long bringim buk Kisim Skul Long Bikpela Tisa i kam long Miting Bilong Wok long wik antap na long wik bihain long en tu.

15 min: “Wanpela Skul i Helpim Yumi Long Mekim Wok Long Ol Samting Yumi Lainim.” Wasman skul i mekim dispela tok. Kamapim sampela tok bilong sediul i stap long Wok Kingdom bilong Oktoba 2005.

17 min: “Wanpela Skul Em Inap Helpim Man Long Kisim Laip.”a Sampela de paslain long miting, stretim tok wantaim wanpela o tupela pablisa long stori long olsem wanem save ol i kisim long God long rot bilong oganaisesen bilong em i helpim ol.

Singsing 101 na beten.

Wik i Kirap Long Disemba 19

Singsing 160

10 min: Ol toksave bilong kongrigesen. Stori long ol bung bilong autim tok long Disemba  25. Sapos kongrigesen bilong yupela bai senisim taim bilong mekim ol miting long nupela yia, orait mekim toksave long dispela.

15 min: “Soim Olsem Yu Tingim Ol Man Long Rot Bilong Senisim Tok.”b Mekim wanpela soim long wanpela pablisa i senisim pasin bilong em long autim tok na bai i stret wantaim tok man bilong haus i kamapim.

20 min: Ol Papamama, Toktok Wantaim Ol Pikinini Long Ol Samting Inap Nogutim Ol Long Ol Samting Bilong Spirit. Wanpela elda i toktok wantaim ol bratasista long buk Kisim Skul Long Bikpela Tisa p. 59 par. 4 i go p. 61. Kamapim klia long ol papamama olsem em bikpela samting long skulim ol pikinini long abrusim ol pasin em Jehova i no laikim. Ritim ol skripsa i stap daunbilo long p. 61 na kamapim klia olsem wanem ol i ken bihainim tok bilong ol dispela skripsa. Long wik antap bai yumi toktok long sampela paragraf bilong sapta 32 bilong buk Kisim Skul Long Bikpela Tisa.

Singsing 56 na beten.

Wik i Kirap Long Disemba 26

Singsing 85

9 min: Ol toksave bilong kongrigesen. Kamapim ripot bilong akaun na tok tenkyu long ol kontribiusen. Kirapim olgeta pablisa long putim ripot bilong wok autim tok bilong Disemba. Mekim wok long ol tok i stap long p. 8 (o ol narapela pasin bilong autim tok) na mekim wanpela soim long pasin bilong tilim Wastaua bilong Disemba 1 na wanpela nupela Awake! Toksave long samting bilong tilim long Janueri, na kolim hap we ol inap painim ol tok ol i ken mekim bilong tilim ol nius.

18 min: “Ol Amamas Bilong Fultaim Sevis.”c Kirapim ol yangpela i dediket pinis long putim aplikesen bilong mekim wok painia haptaim sampela taim long yia, olsem long taim bilong skul holide samting. Ol narapela yangpela i mas kirap nau long mekim ol samting na bai ol i ken kamap pablisa na putim mak long kisim baptais na bihain insait long wok painia oltaim.

18 min: Skulim Ol Pikinini Bilong Yumi Long Lukautim Ol Yet. Wanpela elda i toktok wantaim ol bratasista long ol paragraf i stap long p. 170-1 bilong buk Kisim Skul Long Bikpela Tisa na sapos i gat taim ritim ol paragraf. Ritim ol skripsa i stap daunbilo long p. 171 na stori long olsem wanem ol i ken bihainim tok bilong ol dispela skripsa.

Singsing 222 na beten.

Wik i Kirap Long Janueri 2

Singsing 5

5 min: Ol toksave bilong kongrigesen.

15 min: “Mekim Gutpela Wok Long Ol Buk na Nius Bilong Yumi.”d Kamapim ol tok bilong Wok Kingdom bilong Septemba 2002, p. 1.

25 min: “Pikinini Bilong Yu Inap Wokim Gut Tingting?”e Wanpela elda i mekim dispela tok. Makim wanpela brata long ritim ol paragraf. Skelim olgeta skripsa ol i no raitim tok bilong en. Taim yupela i stori pinis long par. 2, skelim stori bilong tupela yangpela i stap long Watchtower bilong Jun 15, 1991, p. 16-17 par. 16-17 na blok. Long pinis bilong tok, kirapim olgeta papamama long skelim gen ol tok bilong dispela Watchtower. Kirapim ol long stori gut long ol pikinini long tok Baibel i mekim long blut, na tu, ol i mas mekim traim wantaim ol pikinini long olsem wanem ol i ken tokaut long dispela bilip bilong ol. Taim wanpela i stap long haus sik na ol i laik givim blut long em, orait ol elda i mas toksave long Hospital Lieson Komiti bilong kisim helpim. Sapos i no gat Hospital Lieson Komiti long sampela hap, orait ol elda o ol narapela strongpela brata bai mekim ol samting bilong helpim ol bratasista husat i stap long haus sik.

Singsing 48 na beten.

[Ol Futnot]