Ol Miting Bilong Wok

Wik i Kirap Long Jun 12

Singsing 218

10 min: Ol toksave bilong kongrigesen. Bihainim ol tok i stap long laspela pes bilong Wok Kingdom o sampela narapela tok i stret long teritori bilong yupela, na mekim soim long pasin bilong tilim Wastaua bilong Me 15 na Awake! bilong Me. Long wanpela soim, pablisa i tilim magasin long kain kain taim na ples.

20 min: “Wok Autim Tok​—⁠Wanpela Wok i Kamapim Pasin Sori.”a Skelim gut taim, na makim odiens long stori long ol skripsa em ol i no kamapim ol tok bilong ol long ol paragraf.

15 min: Bilip Long “Wokboi i Gat Gutpela Tingting.” Wanpela tok na kamapim sampela askim long buk Oganaisesen Bilong Mekim Laik Bilong Jehova sapta 3.

Singsing 47 na beten.

Wik i Kirap Long Jun 19

Singsing 21

10 min: Ol toksave bilong kongrigesen. Sampela Toksave bilong Wok Kingdom.

20 min: Mekim Gutpela Tok Long Taim Stret Em i Gutpela Tumas! Wanpela tok na kamapim sampela askim long Wastaua bilong Janueri 1, 2006, p. 16-19. Long kirap bilong tok, stori long 4-pela gutpela samting i save kamap taim man i mekim gutpela tok amamas long ol narapela, em dispela hap “Ol Gutpela Samting Bilong En” i stori long ol. Orait bihain askim odiens long bekim ol dispela askim: I stret yumi mas litimapim nem bilong husat? Bilong wanem i stret yumi tok amamas long ol wanbilip bilong yumi? Wanem taim i gutpela long tok amamas long ol bratasista long kongrigesen? Bilong wanem i gutpela long tok tenkyu long ol narapela insait long famili bilong yumi? Olsem wanem yumi ken mekim olsem? Olsem wanem tok amamas wanpela i mekim long yu i strongim yu?

15 min: “Tingim Gut Man​—⁠Long Rot Bilong Tok Amamas.”b Mekim wanpela sotpela soim we pablisa i putim gut yau long man bilong haus, na em i mekim gutpela tok amamas long man bilong haus, na bihain em i stori long samting em man bilong haus i kamapim na em i stori long wanpela skripsa i stret long dispela samting.

Singsing 96 na beten.

Wik i Kirap Long Jun 26

Singsing 63

15 min: Ol toksave bilong kongrigesen. Kamapim ripot bilong akaun na tok tenkyu long ol kontribiusen. Bihainim ol tok i stap long laspela pes o sampela narapela tok i stret long teritori bilong yupela, na mekim soim long pasin bilong tilim Wastaua bilong Jun 1 na Awake! bilong Me. Long pinis bilong wan wan soim, pablisa i kamapim wanpela askim na bai em i ken kam bek lukim man bilong haus na bekim dispela askim long rot bilong buk Baibel i Tok.

15 min: Sampela tok bilong helpim kongrigesen.

15 min: Wok Autim Tok Long Julai. Wanem samting i bikpela samting long tingting bilong ol man long teritori bilong yupela? Mekim inteviu wantaim wanpela o tupela pablisa em ol i bin mekim gutpela wok long tilim wanpela bilong ol buklet na ating ol i bin kirapim wanpela Baibel stadi. Orait bihain mekim wanpela soim long pablisa i autim tok long haus na tilim buklet, em i mekim wok long ol tok bilong tilim buklet i gutpela long teritori bilong yupela.​—⁠Lukim namel pepa long Wok Kingdom bilong Jun 2005.

Singsing 208 na beten.

Wik i Kirap Long Julai 3

Singsing 111

5 min: Ol toksave bilong kongrigesen. Kirapim ol pablisa long putim ripot bilong Jun sapos ol i no bin mekim yet.

20 min: Tingting Bilong Ol Kristen Long Tatu Samting. Wanpela elda bai mekim dispela tok em i kisim long namel pepa i stap long pes 3-4, “Bilasim Skin​—⁠Yumi Mas Bihainim Gutpela Tingting,” em ol i kisim long Kirap! bilong Ogas 8, 2000, p. 24-5. Stori long sampela kastam bilong ples olsem, katkatim skin na sutim hul long skin samting. Yumi no laik sutim tok long ol lain husat i bin wokim tatu o mekim sampela narapela samting long skin paslain long ol i kisim save long tok i tru. Tasol wanpela Witnes i baptais pinis na em i tingting long wokim tatu o katkatim skin o sutim hul long skin, em i mas tingim olsem Jehova i gat wanem kain tingting long dispela samting. Ritim Wok Pris 19:28. Gutpela tok bilong helpim ol Kristen i stap long 1 Timoti 2:​9, 10. Taim Kristen i tingting long wokim tatu na ol narapela samting long skin we dispela inap senisim lukluk bilong em, i gutpela em i tingim olsem dispela bai mekim wanem long wok bilong autim tok long hap em i stap long en. Insait long kongrigesen tu, yumi no laik mekim wanpela samting i pundaunim ol narapela insait long kongrigesen.​—⁠2 Ko. 6:​3, 4.

20 min: “Rot Bilong Winim Ol Mak Bilong Spirit.”c Askim ol yangpela long kongrigesen long stori long ol mak bilong spirit ol i putim na ol i mekim wanem bilong winim ol dispela mak. Sampela de paslain long miting, stretim rot wantaim wanpela o tupela yangpela long stori long dispela samting.

Singsing 30 na beten.

[Ol Futnot]