Ol Miting Bilong Wok

Harim: Long olgeta wik bilong Novemba na Disemba Wok Kingdom bai i gat sediul bilong mekim Miting Bilong Wok. Ol kongrigesen i ken senisim sampela hap bilong miting bambai ol i ken i go long “De Bilong Kisim Bek Yumi i Klostu!” Kibung Distrik. Long laspela Miting Bilong Wok i kamap paslain long kibung, lusim 15 minit bilong kolim gen ol tok i stap long namel pepa bilong dispela mun na i stret long hap bilong yupela. Wanpela o tupela mun bihain long kibung bilong yupela, makim 15 i go inap 20 minit long Miting Bilong Wok (kain olsem hap bilong mekim tok i helpim kongrigesen) bilong mekim riviu long ol bikpela tok bilong kibung. No ken mekim riviu long olgeta tok bilong kibung. Kamapim tasol ol tok i stori long wok autim tok. Askim odiens long stori long olsem wanem ol i wok long bihainim ol tok bilong kibung long wok autim tok.

Wik i Kirap Long Oktoba 9

Singsing 25

10 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long laspela pes o ol narapela tok i stret long teritori bilong yupela, na mekim soim long pasin bilong tilim Wastaua bilong Septemba 15 na Awake! bilong Septemba wantaim Kingdom Nius Namba 37.

15 min: “Helpim Ol Narapela Long Kamap Pren Bilong God.”a Kirapim odiens long stori long olsem wanem gutpela pasin bilong narapela na beten i bin helpim ol long winim mak bilong kisim baptais.

20 min: Redi Long Tilim Kingdom Nius Namba 37. Wanpela tok na kamapim sampela askim. Mekim riviu long pasin bilong tilim dispela nius olsem i stap long Wok Kingdom bilong Septemba. Kirapim olgeta long givim bel long mekim dispela wok. Kirapim ol pablisa em Baibel sumatin bilong ol i wok long kamap strong, long skelim olsem sumatin i winim mak bilong insait long dispela wok olsem pablisa i no baptais o nogat. Ol papamama tu i ken skelim pikinini bilong ol, ol i winim mak o nogat. Stori liklik long ol mak ol i mas winim olsem i stap long buk Oganaisesen Bilong Mekim Laik Bilong Jehova, p. 79-​81.

Singsing 221 na beten.

Wik i Kirap Long Oktoba 16

Singsing 84

8 min: Ol toksave bilong kongrigesen.

20 min: Kisim Helpim Long Buk Stadi Bilong Kongrigesen. Wanpela tok na kamapim sampela askim. Kisim tok long buk Oganaisesen Bilong Mekim Laik Bilong Jehova, kirap long het tok long p. 70 i go inap long namba wan het tok long p. 72.

17 min: “Yu Save Putim Wanem Samting i Go Pas?”b Sampela de paslain long miting, stretim rot wantaim sampela pablisa long stori long ol senis ol i bin mekim long sediul bilong ol bambai ol i ken putim ol wok bilong Kingdom i go pas na long stori long ol blesing ol i bin kisim taim ol i mekim olsem.

Singsing 172 na beten.

Wik i Kirap Long Oktoba 23

Singsing 58

10 min: Ol toksave bilong kongrigesen. Kamapim ripot bilong ol akaun na tok tenkyu long ol kontribiusen. Kirapim olgeta long tingim hamas Kingdom Nius Namba 37 ol i tilim na raitim dispela namba long baksait bilong ripot pepa long pinis bilong Oktoba na Novemba. Bihainim ol tok i stap long laspela pes o ol narapela tok i stret long teritori bilong yupela, na mekim soim long pasin bilong tilim Wastaua bilong Oktoba 1 na Kirap! bilong Oktoba-Disemba. Mekim wanpela soim long pasin bilong autim tok long man i laik katim tok long rot bilong tok “Bilong wanem yupela i kam planti taim?”​​—⁠Lukim buk Toktok Gut, p. 20.

20 min: “Wok Long Wetim Jehova.”c Kuskus bilong kongrigesen i lukautim dispela hap. Askim odiens long stori long olsem wanem pasin bilong werim kat bilong kibung long olgeta taim inap opim rot long autim tok. Strongim odiens long autim tok long kain kain taim na ples. Sapos yumi bungim man i laik harim tok, toksave long kongrigesen long dispela man i stap we bambai wanpela i ken go lukim em.

15 min: Hau Bai Mi Autim Tok Long Ol Wanskul? Wanpela tok na kamapim sampela askim. Kisim tok long Kirap! bilong Julai-Septemba 2002, p. 10-​12. Askim odiens long kamapim ol gutpela ekspiriens ol i bin kisim taim ol i autim tok long ol wanskul.

Singsing 143 na beten.

Wik i Kirap Long Oktoba 30

Singsing 207

5 min: Ol toksave bilong kongrigesen. Kirapim olgeta long putim ripot bilong wok autim tok na long raitim long baksait bilong ripot pepa hamas Kingdom Nius Namba 37 ol i bin tilim.

10 min: Pepa Bilong Singautim Ol Man i Kam Long Kibung. Wasman autim tok i kamapim sampela tok bilong pas i go long olgeta lain elda, long Februeri 2, 2006, i stori long spesel wok bilong tokaut long “De Bilong Kisim Bek Yumi i Klostu!” Kibung Distrik. Kolim tu sampela tok bilong Wok Kingdom bilong Epril 2006, p. 8, i stori long dispela pepa. Stori gut long ol rot ol brata i bin stretim bilong tilim dispela pepa long ol man. Toksave long de dispela wok bai kirap long kongrigesen bilong yupela.

20 min: “Kisim Gutpela Helpim Long Ol Bung Bilong Autim Tok.”d Taim yu skelim par. 3, kamapim sampela tok bilong Wok Kingdom bilong Oktoba 2001, Askim 1, par. 4, long ol samting yupela i mas mekim taim i no gat brata husat inap lukautim bung.

10 min: Ol Ekspiriens Long Wok Bilong Tilim Kingdom Nius Namba 37. Askim ol pablisa long stori long ol gutpela samting i bin kamap taim ol i tilim Kingdom Nius Namba 37. Stori long hamas teritori yupela i bin tilim dispela nius long en na yupela i mas mekim wanem bilong inapim olgeta teritori i go inap long Novemba 12. Tokim ol pablisa long bringim i kam bek ol Kingdom Nius ol i no inap tilim paslain long dispela spesel wok i pinis bambai ol narapela i ken tilim.

Singsing 136 na beten.

Wik i Kirap Long Novemba 6

Singsing 146

10 min: Ol toksave bilong kongrigesen. Bihainim ol tok i stap long Wok Kingdom bilong Janueri 2005, p. 4, o ol narapela tok i stret long teritori bilong yupela, na mekim soim long pasin bilong tilim buk Kisim Skul Long Bikpela Tisa long laspela tupela wik bilong Novemba. Askim odiens long stori long ol gutpela samting i bin kamap taim ol i mekim wok long dispela buk long wok autim tok o wantaim famili bilong ol.

15 min: Tok bilong helpim kongrigesen. O elda i mekim tok Mekim De Bilong Yu Long Marit i Kamap Gutpela i kam long Wastaua bilong Oktoba 15, 2006, p. 28-31.

20 min: Wok Bilong Autim Tok i Givim Nupela Strong. Wanpela tok na kamapim sampela askim. Kisim tok long Wastaua bilong Janueri 15, 2002, p. 8-9. Askim odiens long stori long olsem wanem wok autim tok i givim nupela strong long ol. Sampela de paslain long miting, stretim rot wantaim wanpela o tupela long stori long dispela samting.

Singsing 8 na beten.

[Ol Futnot]