Ol Miting Bilong Wok

Wik i Kirap Long Me 12

Singsing 134

10 min: Ol toksave bilong kongrigesen. Sampela Toksave bilong Wok Kingdom. Bihainim tok i stap long laspela pes o ol narapela tok i stret long teritori bilong yupela, na mekim soim long pasin bilong tilim Wastaua bilong Epril 1 na Awake! bilong Epril.

15 min: Yumi Inap Karim Olgeta Kain Hevi! Wanpela tok i kam long Wastaua bilong Jun 15, 2005, p. 30-1. Stretim tok wantaim sampela pablisa long stori long olsem wanem Jehova i bin helpim ol long karim wanpela bikpela hevi.

20 min: Yu Inap Mekim Wok Painia Haptaim? Toktok wantaim odiens na kamapim ol askim. Kolim ol mak ol pablisa i mas winim bilong mekim wok painia haptaim, olsem i stap long buk Oganaisesen p. 112-​13. Askim ol bratasista i wok mani na i bin yusim holide bilong ol bilong mekim wok painia haptaim long stori long ol blesing ol i bin kisim. Askim ol yangpela husat i bin mekim wok painia haptaim long taim bilong skul holide long stori long olsem wanem ol narapela i bin kirapim na strongim ol long mekim dispela wok. Olsem wanem wok painia haptaim i bin helpim ol long pas gut moa wantaim Jehova? Wanem ol amamas ol i bin kisim? Strongim olgeta husat i winim mak long mekim wok painia haptaim long tingting long mekim dispela wok long ol mun i kam.

Singsing 187

Wik i Kirap Long Me 19

Singsing 47

10 min: Ol toksave bilong kongrigesen. Stori long Askim.

15 min: Tok bilong helpim kongrigesen.

20 min: “Yu Inap Kisim Ol Gutpela Samting!”a Kolim ol mak ol painia oltaim i mas winim, olsem i stap long buk Oganaisesen p. 113-​14. Olgeta husat i laik kirap mekim wok painia oltaim long Septemba 1, ol i mas givim aplikesen bilong ol hariap.

Singsing 206

Wik i Kirap Long Me 26

Singsing 103

10 min: Ol toksave bilong kongrigesen. Kamapim ripot bilong ol akaun na tok tenkyu long ol kontribiusen. Kirapim ol pablisa long putim ripot bilong wok autim tok bilong mun Me. Bihainim tok i stap long laspela pes o ol narapela tok i stret long teritori bilong yupela, na mekim soim long pasin bilong tilim Wastaua bilong Me 1 na Awake! bilong Me.

15 min: “Stap Aninit Long Plang Bilong Mi.”b Askim odiens long kamapim sampela tok bilong ol skripsa ol i no raitim tok bilong en.

20 min: “Mekim Gutpela Wok Long Ol Olpela Buk.” Ol askim na bekim. Kolim ol olpela buk i stap long kongrigesen bilong yupela. Kamapim sampela gutpela tok bilong ol buk, na stori long olsem wanem yumi inap tilim long ol man. Kirapim olgeta long tilim ol dispela buk long wok autim tok na taim ol i autim tok long kain kain taim na ples long mun Jun. Kamapim wanpela sotpela soim i no hatwok long bihainim.

Singsing 169

Wik i Kirap Long Jun 2

Singsing 221

10 min: Ol toksave bilong kongrigesen.

20 min: Ol Man i Mekim Ol Gutpela Wok i Kisim Planti Blesing. (Snd. 28:20) Kuskus i mekim olsem wanpela tok na kamapim sampela askim. Kolim ol samting i soim olsem wanem Jehova i bin blesim hatwok bilong kongrigesen long mekim bikpela wok moa long mun Mas, Epril, na Me, na mekim tok amamas long dispela. Kolim namba bilong ol painia haptaim, ol bratasista i bin kirapim hamas nupela Baibel stadi, na ol narapela gutpela samting wok autim tok i bin kamapim. Askim odiens long kamapim ol ekspiriens ol i bin kisim taim ol i tilim invatesen pepa bilong Memorial. Yupela i ken mekim soim long sampela gutpela ekspiriens i bin kamap. Mekim sotpela inteviu wantaim tupela o tripela pablisa long ol blesing ol i bin kisim long wok painia haptaim.

15 min: “Redi Long Mekim Olgeta Kain Gutpela Wok.”c Askim odiens long stori long olsem wanem na long wanem taim ol i save redim ol tok bilong autim tok long ol haus.

Singsing 44

[Ol Futnot]