Sediul Bilong Miting Bilong Wok

Wik i Kirap Long Ogas 11

Singsing 63

10 min: Ol toksave bilong kongrigesen. Askim odiens long ol i ting ol man long teritori bai laikim wanem ol stori long Wastaua bilong Julai 1 na Awake! bilong Julai. Askim odiens long stori long wanem ol poin bilong ol stori em ol i tingting long kamapim. Ol bai givim wanem askim bilong kirapim tok? Wanem skripsa long stori ol i laik ritim? Stretim rot bilong mekim ol soim long rot bilong yusim ol tok i stap long laspela pes bilong Wok Kingdom.

15 min: “Go Oltaim Long Ol Miting​​—⁠Yumi Mas Mekim.”a Sampela de paslain long miting, stretim rot bilong wanpela o tupela i ken stori long ol samting ol i save mekim bilong ol i ken stap long olgeta wan wan miting.

20 min: Klos na Bilas Bilong Yumi i Givim Biknem Long Jehova. Wanpela elda i mekim olsem wanpela tok. Jehova em God i holi, olsem na em i bikpela samting long lain bilong em i mas i stap klin long skin. (Kis. 30:​17-​21; 40:​30-​32) Taim yumi stap gutpela piksa long klos na bilas bilong yumi, na moa yet long taim bilong autim tok, yumi mekim ol samting Jehova i laikim na dispela i givim biknem long em. (1 Pi. 2:12) Tasol sapos yumi no mekim olsem, orait ol man bai “tok nogut long tok bilong God.” (Ta. 2:⁠5) Kamapim wanpela stori i kamap long hap bilong yu o i stap long buk o nius bilong yumi na i stori long olsem wanem pasin bilong bilas na mekim gut skin i opim rot long autim tok.

Singsing 26

Wik i Kirap Long Ogas 18

Singsing 135

10 min: Ol toksave bilong kongrigesen. Sampela Toksave long Wok Kingdom. Kirapim odiens long bringim i kam Wastaua bilong Ogas 1 na Awake! bilong Ogas, long Miting Bilong Wok long wik antap na redim sampela tok bilong tilim ol dispela nius long hap bilong yupela.

15 min: Tok bilong helpim kongrigesen.

20 min: “Olsem Wanem Yumi Inap Helpim Ol Poroman Marit i No Witnes?”b Inteviuim wanpela o tupela husat i kamap wokboi bilong Jehova, long wanem, poroman marit husat i bin kisim pinis tok i tru, em i stap gutpela piksa.

Singsing 61

Wik i Kirap Long Ogas 25

Singsing 24

10 min: Ol toksave bilong kongrigesen. Kamapim ol ripot bilong ol akaun na tok tenkyu long ol kontribiusen. Mekim ol askim na bekim long blok i stap long p. 3, “Ol Bokis Kontribiusen.”

15 min: Redi Long Tilim Ol Nius Bilong Dispela Mun. Toktok wantaim ol bratasista na kamapim ol askim. Stori liklik long ol bikpela tok bilong Wastaua bilong Ogas 1 na Awake! bilong Ogas. Askim odiens long wanem ol stori bilong dispela tupela magasin ol i ting ol man long teritori bai amamas long ritim. Na ol bai givim wanem askim na skripsa bilong kirapim tok? Mekim soim long olsem wanem yumi inap yusim ol tok i stap long Wok Kingdom bilong tilim ol magasin. Wanpela elda i mekim soim long pasin em i bihainim bilong redim tok em i laik kamapim bilong tilim nius.

20 min: “Yu Save Mekim Wok Long Olgeta Hap Bilong En?”c Inteviuim wanpela pablisa husat i bin mekim gutpela wok long wanpela bilong ol dispela nupela hap i stap insait long Wastaua bilong pablik. Ating em i ken mekim soim long dispela ekspiriens. Na tu, taim yu skelim paragraf 2, mekim soim long olsem wanem yumi inap kirapim Baibel stadi long rot bilong mekim wok long hap “Skul Yumi Kisim Long Jisas” long Wastaua bilong Ogas 1.

Singsing 196

Wik i Kirap Long Septemba 1

Singsing 112

5 min: Ol toksave bilong kongrigesen. Kirapim ol pablisa long putim ripot bilong wok autim tok bilong Ogas.

25 min: Lukautim Gut Haus Kingdom Bilong Yumi. Wanpela elda i kisim tok long namel pepa bilong Wok Kingdom bilong Ogas 2003, em i mekim olsem wanpela tok na kamapim sampela askim. Stori long ol samting kongrigesen i mas mekim bilong klinim Haus Kingdom. Sapos i gat sampela samting i gat wok long mekim, orait kirapim ol long tingim dispela samting. Mekim tok amamas long kongrigesen long wok ol i save mekim bilong lukautim Haus Kingdom na mekim em i stap gutpela ples bilong mekim lotu i tru. Kamapim klia olsem em i bikpela samting long ol i lukautim gut Haus Kingdom. Kirapim ol bratasista long tingim olsem em i gutpela samting tru long putim kontribiusen long bokis i gat rait “Mani Bilong Kongrigesen.”

15 min: Kirapim Baibel Stadi Long Namba Wan Taim Yu Toktok Wantaim Man Long Mun Septemba. Toktok wantaim odiens na kamapim ol askim. Long Septemba bai yumi tilim buk Baibel i Tok na wok strong long stori long sampela paragraf wantaim man bilong haus long namba wan taim yumi bungim em. Kamapim sampela tok long namel pepa bilong Wok Kingdom bilong Februeri 2006, na mekim wanpela o tupela soim long pasin bilong kirapim Baibel stadi long namba wan taim yu bungim man.

Singsing 74

[Ol Futnot]