Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Oktoba 27, 2008. Wasman skul bai mekim riviu inap 30 minit long ol tok i bin kamap insait long skul long wik i kirap long Septemba 1 i go inap long Oktoba 27, 2008.
PASIN BILONG TOKTOK
1. Olsem wanem yumi ken save long as na ol man i holim bilip ol i gat? [be p. 259 par. 2, 3]
2. Olsem wanem yumi inap helpim man long rausim long bel tingting nogut na pasin bilong nolaik tru long ol narapela? [be p. 260 par. 2]
3. Olsem wanem yumi ken helpim ol sumatin bilong yumi long skelim bel bilong ol bambai ol i ken wok yet long kamap strong moa long ol samting bilong spirit? [be p. 261 par. 2]
4. Taim yumi wok strong long putim tok i go daun long bel bilong man, yumi mas tingim wanem samting? [be p. 262 par. 4]
5. Bilong wanem yumi mas tingim gut ol minit bilong tok yumi mekim long ol miting bilong kongrigesen? [be p. 263 par. 1, 3, na blok]
TOK NAMBA 1
6. Wanem samting i bin kirapim Pol long raitim namba wan pas bilong em i go long ol Korin? [bsi08-1-MP p. 20 par. 3]
7. I gat wanem sampela as na Pol i raitim namba tu pas bilong em i go long ol Korin? [bsi08-1-MP p. 22-3 par. 1-2]
8. Ol Kristen i mas holim wanem kain tingting long wok autim tok? [bsi08-1-MP p. 23 par. 18]
9. Long taim bilong yumi, olsem wanem yumi ken mekim pasin we bai God na ol brata i amamas long yumi, wankain olsem ol brata long Filipai i bin mekim? [bsi08-1-MP p. 29 par. 12]
10. Pasin bilong Pol na ol poroman bilong em i mekim wanem gutpela samting long kongrigesen i stap long Tesalonaika? [bsi08-2-MP p. 4 par. 13]
BAIBEL RITIM BILONG WIK
11. Wanem mining bilong dispela tok “putim dispela man [nogut] long han bilong Satan, bai bodi bilong en i ken bagarap” na bai “God i ken kisim bek spirit bilong dispela man”? (1 Ko. 5:5) [w08 7/15 “Tok Bilong Jehova i Gat Laip—Sampela Bikpela Tok Bilong Tupela Pas i Go Long Ol Korin”]
12. Yumi mas tingim indai bilong Jisas hamas “taim” na “inap” long wanem taim? (1 Ko. 11:26) [w08 7/15 “Tok Bilong Jehova i Gat Laip—Sampela Bikpela Tok Bilong Tupela Pas i Go Long Ol Korin”]
13. Namba 2 Korin 12:2-4 i stori long wanem driman? Husat i bin lukim dispela driman? [w04 10/15 p. 8 par. 4; p. 10 par. 9]
14. Bilong wanem Pol i tok Lo Bilong Moses i olsem wanpela ‘waspapa [i] bringim [ol Juda] i kam long Krais’? (Ga. 3:24) [w08 3/1 p. 18-21]
15. Wanem mining bilong tok bilong Pol olsem God “i ken lukautim gut spirit na tewel na bodi bilong [ol brata]”? (1 Te. 5:23) [w08 9/15 “Tok Bilong Jehova i Gat Laip—Sampela Bikpela Tok Bilong Ol Pas i Go Long Ol Tesalonaika na Timoti”]