Ol Toksave

◼ Oktoba: Wastaua na Kirap! Sapos man i gat laik long harim tok, orait tilim liklik nius Yu Laik Kisim Sampela Save Moa Long Baibel? na stori long en, na tingting long kirapim Baibel stadi. Novemba: Tru Tru Baibel i Tok Wanem? Wok strong long kirapim Baibel stadi. Disemba: Tilim buk Nambawan Man Tru i Winim Olgeta Narapela Man. Sapos ol i gat pikinini, tilim buk Kisim Skul Long Bikpela Tisa. Janueri: Sapos kongrigesen i gat buk Save i Bringim Man Long Laip Oltaim, na Yu Inap i Stap Oltaim Long Paradais Long Graun, o ol olpela buk i gat 192 pes long en, yu ken tilim wanpela bilong ol. Sapos no gat, yu inap tilim buk Rot Bilong Famili i Ken Stap Amamas.

◼ Mun Novemba i gat 5-pela Sarere na Sande, olsem na em i gutpela taim bilong mekim wok painia haptaim.

◼ Toksave i go long wasman siaman na wasman bilong Skul Tiokratik Bilong Autim Tok: Nupela sediul bilong miting bilong kongrigesen bai kirap long wik bilong Disemba 29, 2008, na toksave bilong dispela sediul i gat senis long en bai i stap long Wok Kingdom bilong Disemba 2008. Taim yupela i mekim Riviu Bilong Skul Tiokratik Bilong Autim Tok long wik i kirap long Disemba 29, 2008, bai no gat hap bilong pasin bilong toktok. Bihainim instraksen bilong Riviu Bilong Skul Tiokratik Bilong Autim Tok i stap long namel pepa​—⁠Sediul Bilong Skul Tiokratik Bilong Autim Tok Bilong 2009.

◼ Bai yumi lukim vidio No Blood​—⁠Medicine Meets the Challenge long wanpela Miting Bilong Wok long Janueri. Sapos yupela i laik kisim dispela DVD o vidio, kwiktaim putim oda long rot bilong kongrigesen.

◼ Miting bilong olgeta yia bilong lain International Bible Students Association of Papua New Guinea Incorporated, bai kamap long Sarere, Oktoba 4, 2008, long 4 klok apinun, long brens ofis.