43 Kutani swi fanele swi va eka Aroni ni vana vakwe loko va nghena entsongeni wa nhlangano kumbe loko va ya ekusuhi ni alitari va ya tirhela endhawini yo kwetsima, leswaku va nga endli xidyoho, kunene va fa. I nawu wa hilaha ku nga riki na makumu eka yena ni vana vakwe lava nga ta ta endzhaku ka yena.+

6 Ku tlula kwalaho, a endla swihlambelo swa khume, a veka swa ntlhanu exineneni ni swa ntlhanu eximatsini,+ leswaku ku hlantsweriwa eka swona.+ Swilo leswi yelanaka ni gandzelo ro hisiwa+ a va swi ngulungundza eka swona. Kambe lwandle a ri ri ra muprista leswaku a hlantswa eka rona.+