July 28–August 3
Xibukwana Xa Nhlengeletano Ya Mahanyelo Ni Ntirho Wo Chumayela—2025 | July

JULY 28–AUGUST 3

SWIVURISO 24

Risimu 38 Ni Xikhongelo | Marito Yo Pfula (1 min.)

LESWI HI SWI DYONDZAKA EBIBELENI

1. Tshama U Lunghekele Swiyimo Swo Tika

(10 min.)

Va na ni vutivi ni vutlhari (Swiv 24:5; it-2 E 610 ¶8)

U nga tshiki ku endla swilo leswi tiyisaka vuxaka bya wena na Yehovha hambiloko u hele matimba (Swiv 24:10; w09 12/15 18 ¶12-13)

Loko hi ri ni vuxaka lebyinene na Yehovha swi endla hi kota ku tiyisela maxangu (Swiv 24:16; w20.12 15)

Makwerhu wa xisati loyi a nga ni vuvabyi lebyi nga tshungulekiki, a ri eku chumayeleni hi yindlu ni yindlu a ri ni munghana wakwe va tsakile. U komba wansati loyi a n’wi chumayelaka swo karhi eka tablet.

2. Endla Ndzavisiso

(10 min.)

  • Swiv 24:27—Hi dyondza yini eka xivuriso lexi? (w09 10/15 12)

  • I yini leswi u swi dyondzeke eka ku hlaya ka Bibele ka vhiki leri leswi u nga tsakelaka ku hi byela swona?

3. Ku Hlayiwa Ka Bibele

(4 min.) Swiv 24:​1-20 (th dyondzo 11)

NDZETELO WA NTIRHO WO CHUMAYELA

4. Ku Sungula Mabulo

(2 min.) KU CHUMAYELA HI XITSHUKETA. Bulo ri hela u nga si n’wi chumayela. (lmd dyondzo 2 yinhla 4)

5. Ku Sungula Mabulo

(3 min.) YINDLU NI YINDLU. (lmd dyondzo 3 yinhla 4)

6. Ku Sungula Mabulo

(3 min.) KU CHUMAYELA ETINDHAWINI TA MANI NA MANI. N’wi byele hi lunghiselelo ra dyondzo ya Bibele kutani u n’wi nyika khadi ro kombela ku dyondza Bibele. (lmd dyondzo 4 yinhla 3)

7. Mbulavulo

(3 min.) lmd xiengetelo A yinhla 11—Nhlokomhaka: Xikwembu Xi Hi Nyike Rungula Ra Nkoka. (th dyondzo 6)

MAHANYELO YA VAKRESTE

Risimu 99

8. Pfuna Van’wana Loko Va Langutane Ni Mikarhi Yo Tika

(15 min.) Bulo ni vayingiseri.

Mintungu, timhangu ta ntumbuluko, mpfilumpfilu, nyimpi ni ku xanisiwa swi nga endleka hi xitshuketa. Loko sweswo swi endleka, vamakwerhu lava khumbekeke va tiyisana va tlhela va pfunana. Hambiloko hi nga weriwanga hi timhangu leti hi ku kongoma, hi twelana ni Vakrestekulorhi ni ku endla hinkwaswo leswi nga ematimbeni ya hina leswaku hi va pfuna.—1Ko 12:​25, 26.

Xifaniso: Vamakwerhu va ri karhi va pfuna Vakrestekulorhi hi tindlela to hambanahambana. 1. Vamakwerhu va ri karhi va pfuxeta Holo ya Mfumo leyi onhiweke hi mhangu ya ntumbuluko. 2. Vamakwerhu va ri karhi va amukela manana ni n’wana vakwe lava humaka etikweni rin’wana. 3. Makwerhu wa xisati a ri karhi a hoxa munyikelo ebokisini eHolweni ya Mfumo. 4. Vamakwerhu va ri eHolweni ya Mfumo va ri karhi va pfuna Vakrestekulorhi lava humaka ematikweni man’wana hi swilo leswi va swi pfumalaka. 5. Vatirhi va ku tirhandzela va ri karhi va va nyika mabodlela ya mati. 6. Makwerhu a ri karhi a khongela.

Hlaya 1 Tihosi 13:6 na Yakobo 5:16b. Kutani u vutisa vayingiseri xivutiso lexi:

  • Hikwalahokayini swikhongelo swa malandza ya Xikwembu swo khongelela van’wana swi ri ni matimba?

Hlaya Marka 12:​42-44 na 2 Vakorinto 8:​1-4. Kutani u vutisa vayingiseri xivutiso lexi:

  • Hambiloko hi nga ri na swo tala swo nyikela ha swona leswaku hi pfuna vamakwerhu, hikwalahokayini hi nga fanelanga hi tshika ku nyikela?

Tlanga VHIDIYO Ku Kondletela Vun’we Loko Ntirho Wu Yirisiwile. Kutani u vutisa vayingiseri swivutiso leswi:

  • I yini leswi vamakwerhu va swi endleke ku pfuna vamakwerhu lava tshamaka eVuxa bya Yuropa laha ntirho wa hina wu yirisiweke?

  • Loko ntirho wa hina wu yirisiwile, vamakwerhu va xi yingise njhani xileriso xa ku hlengeletana swin’we ni ku tlhela va khutazana?—Hv 10:​24, 25

9. Dyondzo Ya Bibele Ya Vandlha

(30 min.) lfb dyondzo 4-5

Marito Yo Pfala (3 min.) | Risimu 112 Ni Xikhongelo

Leswi Nga Endzeni
Xihondzo xo Rindza (Lexi Dyondziwaka eVandlheni)—2025 | May

Nhlokomhaka Leyi Dyondziwaka Ya Vu-21: July 28, 2025–August 3, 2025

14 Lavani Muti Lowu Nga Ta Tshama Hilaha Ku Nga Heriki