4 Hiloko Abrama a famba hilaha Yehovha a n’wi byeleke hakona, kutani Lota a famba na yena. Abrama a a ri ni malembe ya 75 hi vukhale loko a huma eHarani.+

5 Abrahama a a ri ni malembe ya 100 hi vukhale loko a tswaleriwa Isaka n’wana wakwe.

26 Endzhaku ka sweswo makwavo a huma, voko ra yena ri khomelele exirhendzeni xa Esawu;+ kutani a n’wi thya vito ra Yakobe.+ Isaka a a ri ni malembe ya 60 hi vukhale loko yena a va veleka.

9 Hiloko Yakobe a ku eka Faro: “Masiku ya malembe ya vuluveri bya mina i malembe+ ya 130. Masiku ya malembe ya vutomi bya mina ma ve matsongo ma tlhela ma va ni ku karhateka,+ naswona a ma fikanga eka masiku ya malembe ya vutomi bya vatatana, emasikwini ya vutomi bya vuluveri+ bya vona.”