26 U nga tshuki u tisa nchumu lowu nyenyetsaka endlwini ya wena, kunene wena u va nchumu lowu nyikeriweke endzovisweni ku fana na wona. U fanele u wu nyenya hilaha ku heleleke naswona u wu venga hilaha ku heleleke,+ hikuva i nchumu lowu nyikeriweke endzovisweni.+

18 Loko ku ri n’wina, mi nga tshineli eka nchumu lowu nyikeriweke endzovisweni,+ hi ku chava leswaku mi nga wu navela+ kutani mi teka nchumu lowu nyikeriweke endzovisweni,+ mi endla nxaxa wa Israyele wu va nchumu lowu nyikeriweke endzovisweni, mi tisa khombo ehenhla ka wona.+