16 Nhwanyana loyi a a koka-mahlo swinene hi ku languteka,+ a ri nhwana, naswona a ku nga ri na wanuna la nga tshama a tivana na yena hi tlhelo ra rimbewu;+ kutani a rhelela enseledyaneni a fika a tata khuwana, a khupuka.

3 hosi a yi veke valerisi emigangeni hinkwayo leyi nga ehansi ka vulawuri+ bya mfumo wa yona, a va hlengelete vanhwanyana hinkwavo, lava nga tiviki wanuna, vo saseka, ekhokholweni ra Xuxani,+ endlwini ya vavasati lava languteriwaka hi Hegayi+ lowa mutsheniwa wa hosi,+ murindzi wa vavasati; a va va nyike swo tola swa vona.