18 A va swi tivanga,+ hambi ku ri ku swi twisisa,+ hikuva mahlo ya vona ma pfariwile lerova a va voni,+ mbilu ya vona lerova a yi twisisi.+

20 “Hlengeletanani mi ta.+ Tshinelani, n’wina lava balekeke ematikweni.+ Lava rhwalaka ntsandza wa xifaniso xa vona lexi vatliweke a va tivanga nchumu, ni lava va khongelaka xikwembu lexi nga swi kotiki ku ponisa.+

5 Swi fana ni lexi chavisaka swiharhi ensin’wini ya marhakarhaka, a xi vulavuli.+ Kunene swa rhwariwa hikuva a swi swi koti ku ba magoza.+ Mi nga swi chavi, hikuva a swi nge endli nchumu xa khombo, kasi ku tlula kwalaho, a swi swi koti ku endla nchumu lowunene.”+

23 Kambe u titlakusile ehenhla ka Hosi ya matilo,+ emahlweni ka wena va tise swibya swa yindlu ya yona;+ wena ni tindhuna ta wena, vasati va wena lavatsongo ni vasati va wena lavakulu a mi nwela vhinyo eka swona, naswona mi dzunise swikwembu swa silivhere ni swa nsuku, koporo, nsimbi, ntsandza ni ribye,+ leswi swi nga voniki nchumu kumbe ku twa nchumu kumbe ku tiva nchumu;+ kambe Xikwembu lexi ku hefemula ka wena ku nga evokweni ra xona,+ lexi tindlela ta wena hinkwato ti nga eka xona,+ a wu xi vangamisanga.+

18 Xana xifaniso lexi vatliweke xi pfune ha yini,+ loko muendli wa xona a xi vatlile, xifaniso lexi n’okisiweke, ni loyi a letelaka mavunwa?+ loko muendli wa xivumbeko xa xona a xi tshembile,+ lerova a endla swikwembu leswi nga pfuniki nchumu, leswi swi nga vulavuriki?+

4 Kutani malunghana ni ku dya+ swakudya leswi nyikeriwaka eka swifaniso swa hava, ha swi tiva leswaku xifaniso xa hava a hi nchumu+ emisaveni, ni leswaku ku ni Xikwembu xin’we ntsena.+

19 Kutani ndzi ta ku yini? Leswaku lexi nyikeriwaka eka xifaniso xa hava i xa nkoka, kumbe i xifaniso xa hava lexi nga xa nkoka?+

2 Ma swi tiva leswaku loko ma ha ri vanhu va matiko,+ a mi kongomisiwa eswifanisweni+ swa hava leswi nga riki na rito,+ mi ya kun’wana ni kun’wana laha mi kongomisiwaka kona.