17 Kutani Vafilisita va twa leswaku ku totiwe Davhida a va hosi ya Israyele.+ Hiloko Vafilisita hinkwavo va tlhandluka va ta lava Davhida. Loko Davhida a swi twile, a rhelela a ya endhawini leyi swi nonon’hwaka ku yi tshinelela.+

3 Hiloko vakulukumba hinkwavo va Israyele va ta eka hosi eHebroni, Davhida a endla ntwanano na vona eHebroni emahlweni ka Yehovha; endzhaku ka sweswo va tota+ Davhida a va hosi ya Israyele, hi ku landza rito+ ra Yehovha hi Samuwele.+