5 Kutani Xikwembu xi sungula ku vitana ku vonakala xi ku i Nhlikanhi+ kambe munyama xi wu vitana Vusiku.+ Hiloko ku va madyambu, ku va mixo, hi rona siku ro sungula.

14 Xikwembu xi ya emahlweni xi ku: “Timboni a ti ve kona exibakabakeni xa matilo leswaku ti ta hambanisa nhlikanhi ni vusiku;+ naswona ti ta va ta swikombiso ni ta tinguva, ta masiku ni ta malembe.+

22 Hi masiku hinkwawo ya misava, ku byariwa ka timbewu ni ku tshovela, ku titimela ni ku hisa, ximumu ni xixika, nhlikanhi ni vusiku, a swi nge pfumaleki.”+