18 Kambe u ta swi dyela emahlweni ka Yehovha Xikwembu xa wena, endhawini leyi Yehovha Xikwembu xa wena a nga ta yi hlawula,+ wena ni n’wana wa wena wa jaha ni wa nhwanyana ni hlonga ra wena ra xinuna ni ra xisati ni Mulevhi la tshamaka endzeni ka tinyangwa ta wena; u fanele u tsaka+ emahlweni ka Yehovha Xikwembu xa wena entirhweni wun’wana ni wun’wana wa wena.

6 I mani wanuna loyi a rimeke nsimu ya vhinya kambe a nga si yi tirhisaka? A a tlhelele endlwini yakwe, hi ku chava leswaku a nga fela enyimpini, wanuna un’wana a sungula ku yi tirhisa.+

22 Ndzi swi vonile leswaku a ku na nchumu lowu antswaka ku tlula leswaku munhu a tsaka emintirhweni yakwe,+ hikuva sweswo i xiavelo xakwe; hikuva i mani la nga ta n’wi tisa a ta vona leswi nga ta humelela endzhaku kakwe?+

18 Waswivo! Xilo lexinene lexi ndzi xi voneke, xo saseka, hileswaku munhu u fanele a dya, a nwa ni ku vona leswinene entirhweni wakwe hinkwawo wa matimba+ lowu a tikarhatelaka wona ehansi ka dyambu ku ringana nhlayo ya masiku yakwe ya vutomi lawa Xikwembu xa ntiyiso xi n’wi nyikeke wona, hikuva xexo i xiavelo xakwe.

15 Mina ndzi bumabumele ku tsaka,+ hikuva vanhu a va na nchumu wo antswa ehansi ka dyambu loko ku nga ri ku dya, ku nwa ni ku tsaka, leswaku swi fambisana na vona entirhweni wa vona wa matimba emasikwini ya vutomi bya vona,+ lawa Xikwembu xa ntiyiso xi va nyikeke wona ehansi ka dyambu.+

17 hambileswi, hakunene, xi nga titshikangiki xi nga ri na vumbhoni bya leswaku xi endle leswinene,+ xi mi nyika timpfula+ ta le tilweni ni tinguva ta mihandzu, xi tata timbilu ta n’wina hi ku helela hi swakudya ni ku khana lokukulu.”+