20 Ku hlundzuka ka Yehovha a ku nge tlheli kukondza a ku hetisisa,+ kukondza a hetisisa mianakanyo ya mbilu ya yena.+ Exiphen’wini xo hetelela xa masiku n’wina mi ta swi xiyisisa hi ku twisisa.+

24 Ku hlundzuka lokukulu ka Yehovha a ku nge tlheli kukondza a endla ni ku hetisisa mianakanyo ya mbilu ya yena.+ Exiphen’wini xo hetelela xa masiku mi ta swi xiyisisa.+

16 U ta boheka ku ta ehenhla ka vanhu va mina va Israyele, kukota mapapa, u funengeta tiko.+ Swi ta endleka exiphen’wini xo hetelela xa masiku, kunene ndzi ta mi tisa ku lwa ni tiko ra mina,+ leswaku matiko ma ta ndzi tiva loko ndzi tihlawulekisa eka wena ematihlweni ya wona, Wena Gogo.”’+

9 A ya emahlweni a ku: “Famba, Daniyele, hikuva marito lawa ma endliwe xihundla, ma lemeriwa ku fikela enkarhini wa makumu.+

17 ‘“Naswona emasikwini yo hetelela,” ku vula Xikwembu, “ndzi ta chululela mpimo wo karhi wa moya+ wa mina ehenhla ka nyama ya muxaka wun’wana ni wun’wana, naswona vana va n’wina va xinuna ni vana va n’wina va vanhwanyana va ta profeta kutani majaha ya n’wina ma ta vona swivono naswona vavanuna lava kuleke exikarhi ka n’wina va ta lorha milorho;+

3 Kambe tiva leswi, leswaku emasikwini yo hetelela+ ku ta fika+ minkarhi ya mangava leyi swi nonon’hwaka ku langutana na yona.

12 Tsakani hikwalaho ka swona, n’wina matilo na n’wina lava tshamaka eka wona!+ Khombo+ eka misava ni lwandle,+ hikuva Diyavulosi u xikele eka n’wina, a hlundzukile swinene, hi ku tiva leswaku u ni nkarhi wo koma.”+