20 kukondza Yehovha a wisisa vamakwenu na n’wina, na vona va fuwe tiko leri Yehovha Xikwembu xa n’wina a va nyikaka rona entsungeni wa Yordani; endzhaku ka sweswo un’wana ni un’wana u ta tlhelela endzhakeni leyi ndzi mi nyikeke yona.’+

37 ‘Waswivo, ndzi va hlengeleta swin’we ku suka ematikweni hinkwawo lawa ndzi nga ta va hangalasela eka wona hi ku hlundzuka ka mina ni hi vukarhi bya mina ni hi ku hlundzuka lokukulu;+ naswona ndzi ta va tlherisela endhawini leyi ndzi va tshamisa va sirhelelekile.+

11 Kunene vana va Yuda ni vana va Israyele va ta hlengeletana hi vun’we,+ kutani va tivekela murhangeri un’we, va tlhandluka va huma etikweni,+ hikuva siku ra Yizriyele ri ta va rikulu.+

14 Kutani ndzi ta vuyisa vanhu va mina va Israyele+ lava nga makhumbi, va ta aka miti leyi lovisiweke, va tshama eka yona,+ va rima masimu ya vhinya, va nwa vhinyo ya wona, va rima mintanga, va dya mihandzu ya yona.’+

20 Enkarhini wolowo ndzi ta mi nghenisa, enkarhini lowu ndzi mi hlengeletaka ha wona. Hikuva ndzi ta mi endla mi va ni ndhuma ni ku dzuneka exikarhi ka vanhu hinkwavo va misava, loko ndzi tlhela ndzi hlengeleta lava va nga makhumbi eka n’wina emahlweni ka mahlo ya n’wina,” Yehovha u vurile.+