33 Hikuva Yehovha wa mavuthu, Xikwembu xa Israyele, u te: “Nhwanyana wa Babilona u fana ni xivuya xa mavele.+ I nkarhi wa ku n’wi kandziyela. Kambe ku sele nkarhinyana kutani u ta fikeriwa hi nkarhi wa ntshovelo.”+

18 Nakambe ku humelela ntsumi yin’wanyana hi le alitarini, yi ri ni matimba ehenhla ka ndzilo.+ Yi huwelela hi rito lerikulu eka loyi a tameleke rihwevo ro kariha, yi ku: “Nghenisa rihwevo ra wena ro kariha u hlengeleta swichocho swa vhinya ya misava,+ hikuva madiriva ya yona se ma wupfile.”