36 Mi ta nyikela gandzelo leri endleriwaka Yehovha hi ndzilo masiku ya nkombo. Hi siku ra vunhungu mi ta va ni ntsombano wo kwetsima,+ kutani mi fanele mi nyikela gandzelo leri endleriwaka Yehovha hi ndzilo. I ntshungu wo xiximeka. Mi nga tshuki mi endla muxaka wihi ni wihi wa ntirho wo tika.

18 Buku ya nawu wa Xikwembu xa ntiyiso a yi hlayeriwa ehenhla siku ni siku,+ ku sukela esikwini ro sungula ku fikela esikwini ro hetelela; va endla nkhuvo wolowo ku ringana masiku ya nkombo, kutani hi siku ra vunhungu a ku ri ni nhlengeletano yo xiximeka, hi ku landza nawu.+