-
Pisalema 22:1-31Vuhundzuluxeri Bya Misava Leyintshwa Bya Matsalwa Yo Kwetsima
-
-
22 Xikwembu xanga, Xi kwembu xanga, u ndzi tshikele yini?+
Hikwalaho ka yini u ri ekule ni ku ndzi ponisa,+
Emaritweni ya ku rila ka mina?+
2 Oho Xikwembu xanga, ndzi tshamela ku vitana ninhlikanhi, a wu hlamuli;+
Ni nivusiku, a ndzi miyeli.+
5 A va huwelela eka wena,+ kutani va hlayiseka;+
A va tshemba wena, naswona a va khomiwanga hi tingana.+
7 Loko ku ri hinkwavo lava va ndzi vonaka, va ndzi hlekula;+
Va hambeta va ndzi ahlamisela milomu ya vona, va hambeta va ndzi hlakahlela nhloko+ ya vona:
9 Hikuva hi wena Loyi a a ndzi humesa ekhwirini,+
La ndzi endlaka ndzi va ni ntshembo loko ndzi ri emaveleni ya manana.+
10 Ndzi lahleriwe ehenhla ka wena loko ndzi huma embelekweni;+
U ve Xikwembu+ xanga loko ndzi huma ekhwirini ra manana.
14 Ndzi chuluriwe+ ku fana ni mati,
Naswona marhambu ya mina hinkwawo ma hambanisiwile.+
Mbilu ya mina yi fana ni mhula;+
Yi n’okile evuentweni bya swirho swa mina swa le ndzeni.+
15 Matimba ya mina ma ome ku fana ni xibya xa vumba,+
Ririmi ra mina ri endliwa leswaku ri namarhela maxinini+ ya mina;
Naswona u ndzi veka entshurini wa rifu.+
16 Hikuva timbyana ti ndzi rhendzerile;+
Ntshungu wa vaendli va leswo biha wu ndzi rhendzerile.+
Va le milengeni ya mina ni le mavokweni ya mina ku fana ni nghala.+
20 Kutsula moyaxiviri+ wa mina ebangeni,
Wona ntsena, wu kutsule erhuveni ra mbyana;+
21 Ndzi ponise enon’wini wa nghala,+
U fanele u ndzi hlamula u tlhela u ndzi ponisa etimhondzweni ta tinkunzi leti levaka.+
23 N’wina lava chavaka Yehovha, n’wi dzuniseni!+
N’wina hinkwenu mi nga mbewu ya Yakobe, n’wi vangamiseni!+
N’wi chaveni, n’wina hinkwenu mi nga mbewu ya Israyele.+
24 Hikuva a nga n’wi langutelanga ehansi+
Hambi ku ri ku nyenya ku xaniseka ka la xanisekaka;+
Naswona a nga n’wi tumbetelanga xikandza xakwe,+
U n’wi twile+ loko a kombela ku pfuniwa.
25 Ku dzunisa ka mina loku humaka eka wena ku ta va enhlengeletanweni leyikulu;+
Switshembiso leswi hlambanyiweke swa mina ndzi ta swi hetisisa emahlweni ka lava va n’wi chavaka.+
26 Lavo rhula va ta dya va xurha;+
Lava n’wi lavaka va ta dzunisa Yehovha.+
Onge timbilu ta n’wina ti nga hanya hi masiku.+
27 Makumu hinkwawo ya misava ma ta tsundzuka kutani ma tlhelela eka Yehovha.+
Naswona mindyangu hinkwayo ya matiko yi ta nkhinsama emahlweni ka wena.+
-
-
Esaya 53:1-12Vuhundzuluxeri Bya Misava Leyintshwa Bya Matsalwa Yo Kwetsima
-
-
53 I mani loyi a veke ni ripfumelo eka swilo leswi hina hi swi tweke?+ Loko ku ri voko ra Yehovha,+ xana ri hlavuteriwe mani?+ 2 U ta humelela ku fana ni xirhabyana+ emahlweni ka yena, ku fana ni rimitsu etikweni leri pfumalaka mati. A nga na xivumbeko lexikulu, hambi ku vangama;+ kutaku loko hi n’wi vona, ku hava ku languteka loku nga ta endla leswaku hi n’wi navela.+
3 A a languteriwa ehansi, a papalatiwa hi vanhu,+ a a ri munhu wa switlhavi ni la tshamelaka ku vabya.+ Naswona a swi tikomba onge u hi tumbetela xikandza xakwe.+ A a languteriwa ehansi naswona hi n’wi khome kukota loyi a nga pfuniki nchumu.+ 4 Entiyisweni yena u rhwale mavabyi ya hina;+ naswona u rhwale switlhavi swa hina.+ Kambe hi n’wi langute kukota la nga ni khombo,+ la biweke hi Xikwembu+ a xanisiwa.+ 5 Kambe a a tlhaviwa+ hikwalaho ka ku tlula ka hina nawu;+ a a pfotlosiwa hikwalaho ka swidyoho swa hina.+ A a biwa leswaku hina hi ta kuma ku rhula,+ kasi hikwalaho ka timbanga+ takwe hina hi horisiwile.+ 6 Hinkwerhu hi tsendzelekile kukota tinyimpfu;+ un’wana ni un’wana u hundzulukele endleleni yakwe; naswona Yehovha u endle leswaku xidyoho xa hina hinkwerhu xi langutana ni yoloye.+ 7 A a tikeriwa,+ naswona a a titshika a xaniseka;+ kambe a nga wu pfulanga nomu. A a tisiwa laha ku dlayeriwaka kona ku fana ni nyimpfu;+ ku fana ni nyimpfu leyi pfaleke nomu emahlweni ka vatsemeti va yona, na yena a nga wu pfulanga nomu.+
8 U tekiwile hikwalaho ka ku siveriwa ni vuavanyisi;+ i mani loyi a nga ta tikarhata hi vuxokoxoko bya xitukulwana xakwe?+ Hikuva u susiwile+ etikweni ra lava hanyaka.+ U kume nkhavi hikwalaho ka ku tlula nawu+ ka vanhu va mina.+ 9 Naswona xilahlo xakwe u ta xi endla swin’we ni xa lavo homboloka,+ ni ntlawa wa lava fuweke eku feni kakwe,+ hambileswi a nga endlangiki madzolonga+ ni vuxisi byi nga riki kona enon’wini wakwe.+
10 Kambe Yehovha u tsakele ku n’wi pfotlosa;+ a n’wi vabyisa.+ Loko wo veka moya-xiviri wakwe wu va gandzelo ra nandzu,+ u ta va vona vana vakwe,+ u ta lehisa masiku yakwe,+ naswona leswi tsakeriwaka+ hi Yehovha swi ta humelela evokweni rakwe.+ 11 U ta vona+ a tlhela a eneriseka hikwalaho ka ku karhateka ka moya-xiviri wakwe.+ Hi vutivi byakwe lowo lulama, nandza wa mina,+ u ta tisa xiyimo xo lulama eka vanhu va mina;+ yena u ta rhwala swidyoho swa vona.+ 12 Hikwalaho ka sweswo ndzi ta n’wi avela xiphemu exikarhi ka lavo tala,+ naswona u ta avelana ni lava matimba leswi phangiweke,+ hikwalaho ka leswi a chululeke moya-xiviri wakwe eku feni,+ nileswi a hlayiweke swin’we ni lava tlulaka nawu;+ yena u rhwale xidyoho xa vanhu vo tala,+ naswona u lamulele lava tlulaka nawu.+
-