6 Hikuva hi velekeriwe n’wana,+ hi nyikiwe n’wana wa jaha;+ naswona ku fuma ka vuhosana ku ta va ekatleni ra yena.+ Kutani vito ra yena u ta thyiwa Mutsundzuxi wo Hlamarisa,+ Xikwembu xa Matimba,+ Tatana La Nga Riki Na Makumu,+ Hosana ya Ku Rhula.+

10 Kutani esikwini+ rero ku ta va ni rimitsu ra Yese+ leri nga ta yima ri va xikombiso eka vanhu.+ Matiko ma ta hundzulukela eka yena ma vutisisa,+ ndhawu yakwe yo wisela eka yona yi ta vangama.+

15 u ta chavisa matiko yo tala hi ndlela yoleyo.+ Tihosi ti ta pfala milomu emahlweni ka yena,+ hikuva entiyisweni ti ta vona leswi ti nga si tshamaka ti runguleriwa swona, naswona ti ta yisa miehleketo eka leswi ti nga si tshamaka ti swi twa.+

5 “Waswivo! Masiku ma ta,” ku vula Yehovha, “kutani ndzi ta humesela Davhida hluke ro lulama.+ Kunene hosi yi ta fuma+ kutani yi endla hi vutlhari ni ku tirhisa vululami ni ku tshembeka etikweni.+

2 “Wena Betlehema Efurata,+ wena lontsongo ngopfu leswaku u va exikarhi ka magidi ya Yuda,+ eka wena+ ku ta huma loyi a nga ta va mufumi eIsrayele+ a ta eka mina, loyi masungulo yakwe ma sukelaka eminkarhini yo sungula, ku sukela emasikwini ya nkarhi lowu nga riki na makumu.+

7 “Wena banga, xalamuka u lwa ni murisi wa mina+ ni munhu la tiyeke emirini loyi a nga nakulorhi,”+ ku vula Yehovha wa mavuthu. “Bana murisi,+ u hangalasa ntlhambi;+ kunene ndzi ta tlherisa voko ra mina eka lava va nga nyawuriki.”+

3 “Waswivo! Ndzi rhuma murhumiwa wa mina,+ u fanele a basisa ndlela emahlweni ka mina.+ Hi xitshuketa ku ta ta Hosi+ ya ntiyiso etempeleni+ ya Yena, leyi n’wina mi yi lavaka, ni murhumiwa+ wa ntwanano,+ loyi mi n’wi tsakelaka.+ Maswivo! Kunene u ta ta,” Yehovha wa mavuthu u vurile.+

44 Kutani a ku eka vona: “Lawa i marito ya mina la-​wa ndzi mi byeleke wona loko ndza ha ri na n’wina,+ leswaku swilo hinkwaswo leswi tsariweke enawini wa Muxe ni le ka Vaprofeta+ ni Tipisalema+ malunghana na mina swi fanele ku hetiseka.”