• Pisalema 53:Xingheniso-6
    Bibele—Matsalwa Yo Kwetsima Ya Misava Leyintshwa

    • Eka mufambisi; hi ku ya hi xitayele xa Mahalati.* Maskili* ya Davhida.

      53 Xiphukuphuku xi vula embilwini ya xona xi ku:

      “Yehovha a nga kona.”+

      Swiendlo swa vona swi bihile naswona swa nyenyetsa;

      A nga kona la endlaka leswinene.+

       2 Kambe Xikwembu xi languta vanhu xi ri etilweni+

      Ku vona loko ku ri ni loyi a nga ni ku twisisa, loko ku ri ni loyi a lavaka Yehovha.+

       3 Hinkwavo va hambukile;

      Va fana, va ni vuxisi hinkwavo.

      A nga kona la endlaka leswinene,

      Ku kala ni un’we.+

       4 Hikwalaho ka yini lavo biha va nga twisisi?

      Va mita vanhu va mina onge hiloko va dya xinkwa.

      A va n’wi vitani Yehovha.+

       5 Kambe va ta khomiwa hi ku chava lokukulu,

      Ku chava loku va nga si tshamaka va ku twa,*

      Hikuva Xikwembu xi ta hangalasa marhambu ya lava va ku hlaselaka.

      U ta va khomisa tingana, hikuva Yehovha u va fularherile.

       6 Onge Israyele a nga ponisiwa hi loyi a humaka eSiyoni!+

      Loko Yehovha a hlengeleta vanhu vakwe lava nga mahlonga,

      Yakobo a a khane, Israyele a a tsake.