12 Loko u dya u xurha kutani u aka tiyindlu to saseka u tshama eka tona,+ 13 loko tihomu ta wena ni tinyimpfu ta wena swi andza ni silivhere ya wena ni nsuku swi engeteleka kutani u va ni swilo swo tala, 14 u nga tikukumuxi+ u rivala Yehovha Xikwembu xa wena loyi a ku humeseke etikweni ra Egipta, endlwini ya vuhlonga,+

17 Loko wo tibuma u ku, ‘Matimba ya mina ni mavoko ya mina hi swona swi ndzi nyikeke rifuwo leri,’+ 18 tsundzuka leswaku i Yehovha Xikwembu xa wena loyi a ku nyikaka matimba yo tirha leswaku u va ni rifuwo,+ ku endlela leswaku a tiyisa ntwanano wakwe lowu a wu hlambanyeleke vakokwa wa wena, hilaha swi nga hakona namuntlha.+