SWIRILO
א [Aleph]*
1 Vona ndlela leyi a tshameke ha yona a ri yexe, muti lowu a wu tele hi vanhu!+
Vona ndlela leyi a fanaka ha yona ni noni, yena loyi a a ri ni vanhu vo tala exikarhi ka matiko!+
Vona ndlela leyi a nga hlonga ha yona, yena loyi a a ri hosana ya xisati exikarhi ka swifundzha!+
ב [Beth]
2 U rila hi mbitsi nivusiku,+ mihloti ya yena yi xiririka emarhameni.
A nga kona ni un’we wo n’wi chavelela eka lava a a rhandzana na vona.+
Vanghana va yena hinkwavo va n’wi xavisile;+ va hundzuke valala va yena.
ג [Gimel]
3 Yuda u ye evuhlongeni+ naswona wa xaniseka swinene.+
U fanele a tshama exikarhi ka matiko;+ a nga yi kumi ndhawu yo wisela eka yona.
Hinkwavo lava n’wi xanisaka va n’wi kume a ri karhi a xaniseka.
ד [Daleth]
4 Tindlela leti yaka eSiyoni ta rila, hikuva a ku na munhu loyi a taka enkhubyeni.+
Tigede ta yena hinkwato ti tshoveleriwile;+ vaprista va yena va ni nhlomulo.
Vanhwana va yena va ni gome naswona yena u ni mbitsi swinene.
ה [He]
5 Valala va yena va hundzuke varhangeri va yena; a va khathali ha yena.+
Hikuva Yehovha u n’wi tisele gome hikwalaho ka swidyoho swa yena swo tala.+
Vana va yena va yisiwe evuhlongeni hi nala.+
ו [Waw]
6 Nhwanyana wa Siyoni a nga ha vangami.+
Tihosana ta yena ti fana ni timbavala leti nga ma kumangiki madyelo,
Ti famba ti karhele emahlweni ka loyi a ti hlongorisaka.
ז [Zayin]
7 Enkarhini lowu a a xaniseka ha wona ni hi nkarhi lowu a a pfumala kaya ha wona, Yerusalema u tsundzuke
Swilo swa yena hinkwaswo swa risima leswi a tshameke a va na swona.+
Loko vanhu va yena va hlaseriwa hi nala naswona ku nga ri na loyi a n’wi pfunaka,+
ח [Heth]
Hi swona swi endleke a hundzuka nchumu wo nyenyetsa.
Hinkwavo lava a va n’wi xixima sweswi va n’wi teka a nga ri nchumu, hikuva va n’wi vone a nga ambalanga nchumu.+
U le maxangwini+ naswona u languta etlhelo hikwalaho ka tingana.
ט [Teth]
9 Ku nyama ka yena ku le swiambalweni swakwe.
A nga ehleketisisanga hi vumundzuku byakwe,+
Ku wa kakwe a ku hlamarisa; a ku na munhu la nga ta n’wi chavelela.
Yehovha Xikwembu xanga, vona ku xaniseka ka mina, hikuva nala u tikukumuxile.+
י [Yod]
10 Nala u teke swilo swakwe hinkwaswo swa risima.+
Hikuva u vone matiko ma nghena endhawini yakwe yo kwetsima,+
Lawa u leriseke leswaku ma nga ngheni enhlengeletanweni ya wena.
כ [Kaph]
11 Vanhu va yena hinkwavo va ni nhlomulo; va lava xinkwa.+
Va nyikele hi swilo swa vona swa nkoka leswaku va kuma swakudya, leswaku va ta kota ku hanya.
Yehovha Xikwembu xanga, languta ndzi fana ni wansati* loyi a nga pfuniki nchumu.
ל [Lamed]
12 Xana a swi vuli nchumu eka n’wina hinkwenu lava mi hundzaka hi ndlela?
Vonani!
Xana xi kona xitlhavi lexi fanaka ni xitlhavi lexi ndzi vangeriweke xona,
Lexi Yehovha a endleke leswaku ndzi va na xona esikwini ra ku hlundzuka ka yena lokukulu?+
מ [Mem]
13 U rhumele ndzilo a ri etilweni leswaku a hisa rhambu+ rin’wana ni rin’wana ra mina.
U andlalele milenge ya mina nete; u ndzi sindzise ku tlhelela endzhaku.
U ndzi endle wansati loyi a lahliweke.
Ndza vabya siku hinkwaro.
נ [Nun]
14 Swidyoho swa mina swi boheleriwile ku fana ni joko, swi boheleriwe hi voko ra yena.
Swi vekiwe enhan’wini ya mina, a ndza ha ri na matimba.
Yehovha u ndzi nyikete eka lava ndzi nga kotiki ku lwa na vona.+
ס [Samekh]
15 Yehovha u teke vavanuna va mina hinkwavo lava nga ni matimba.+
U hlengelete vanhu leswaku va ta dlaya majaha ya mina.+
Yehovha u pyanyetele nhwana wa Yuda endhawini yo kamela madiriva.+
ע [Ayin]
16 Ndza rila hikwalaho ka swilo leswi;+ matihlo ya mina ma xiririka mihloti.
Hikuva loyi a a ta ndzi chavelela kumbe a ndzi tiyisa u le kule na mina.
Vana va mina a va ha ri na ntshembo hikuva nala u hi hlurile.
פ [Pe]
17 Siyoni u tlakuse mavoko;+ a ku na loyi a nga n’wi chavelelaka.
Yehovha u lerise hinkwavo lava rhendzeleke Yakobo leswaku va va valala vakwe.+
Yerusalema u hundzuke nchumu lowu nyenyetsaka eka vona.+
צ [Tsade]
18 Yehovha u lulamile,+ hi mina ndzi nga yingisangiki swileriso swakwe.+
Yingisani hinkwenu, mi vona xitlhavi xa mina.
Vanhwana ni majaha ya mina va ye evuhlongeni.+
ק [Qoph]
19 Ndzi vitane lava ndzi rhandzanaka na vona kambe va ndzi xavisile.+
Vaprista ni vakulukumba va mina va fele emutini,
Loko va ri karhi va lava swakudya leswaku va ta kota ku hanya.+
ר [Resh]
20 Yehovha vona, ndzi ni nhlomulo lowukulu.
Ndzi chuhe ngopfu lerova endzeni* ka mina ka luma.
Mbilu ya mina yi karhatekile hikuva ndzi xandzukile.+
Ehandle banga ri dlaye vana va mina;+ endzeni ka yindlu na kona ka fiwa.
ש [Shin]
21 Vanhu va ndzi twile loko ndzi konya; kambe a ku na loyi a ndzi chavelelaka.
Valala va mina hinkwavo va twile hi ta khombo ra mina.
Va tsakile hikwalaho ka leswi u ndzi tiseleke rona.+
Kambe u ta tisa siku leri u vuleke leswaku u ta ri tisa,+ leri va nga ta fana na mina ha rona.+
ת [Taw]
22 Onge u nga vona vubihi bya vona hinkwabyo naswona onge u nga va xupula swinene,+
Hilaha u ndzi xupuleke hakona hikwalaho ka swidyoho swa mina hinkwaswo.
Hikuva ku konya ka mina i kukulu naswona mbilu ya mina ya vava.
א [Aleph]
2 Vona ndlela leyi Yehovha a funengeteke nhwanyana wa Siyoni ha yona hi papa ra ku hlundzuka ka yena!
U cukumete ku saseka ka Israyele ku suka etilweni ku ta emisaveni.+
A nga byi tsundzukanga vunavelo bya milenge yakwe+ hi siku leri a hlundzukeke ha rona.
ב [Beth]
2 Yehovha u mite tindhawu hinkwato to tshama eka tona ta Yakobo, a nga vanga na ntwelavusiwana.
U hirimuxe tindhawu leti sirheleriweke ta nhwanyana wa Yuda a hlundzukile.+
U wise mfumo+ ni tihosana takwe hi ndlela leyi khomisaka tingana.+
ג [Gimel]
3 U tseme timhondzo* hinkwato ta Israyele a hlundzukile swinene.
U suse voko rakwe ra xinene loko nala a tshinela,+
U ye emahlweni a pfurha eka Yakobo ku fana ni ndzilo lowu hisaka swilo hinkwaswo leswi nga ekusuhi na wona.+
ד [Daleth]
4 U kunge vurha* byakwe ku fana ni nala; u endle voko rakwe ra xinene ri lunghekela ku hlasela ku fana ni nala;+
U ye emahlweni a dlayetela vanhu hinkwavo lava nga va nkoka eka hina.+
U chulule vukarhi byakwe ku fana ni ndzilo+ etendeni ra nhwanyana wa Siyoni.+
ה [He]
U mite swihondzo swakwe hinkwaswo;
U herise tindhawu takwe leti nga ni makhumbi yo ti sirhelela.
U andzisele nhwanyana wa Yuda maxangu ni xirilo.
ו [Waw]
6 U hirimuxe tende ra yena+ ku fana ni xiyindlwana lexi nga entangeni.
U herise nkhuvo wakwe.+
Yehovha u endle leswaku ku rivariwa nkhuvo ni savata eSiyoni,
Naswona hi ku hlundzuka ka yena lokukulu a nga na mhaka na hosi ni muprista.+
ז [Zayin]
U nyikete makhumbi ya swihondzo swa muti wakwe eka nala.+
Va huwelerile va ri endlwini ya Yehovha+ ku fana ni le sikwini ra nkhuvo.
ח [Heth]
8 Yehovha u tiyimisele ku mbundzumuxa khumbi ra nhwanyana wa Siyoni.+
U pime makhumbi hi ntambhu yo pima ha yona.+
A nga tshikanga ku lovisa.
U endla leswaku makhumbi ma rila.
Hinkwawo ka wona ma wile.
ט [Teth]
9 Tigede ta yena ti mbombomele emisaveni.+
U lovise a tlhela a tshovelela swo goga swakwe.
Hosi yakwe ni tihosana takwe va le xikarhi ka matiko.+
A ku na nawu;* hambi vaprofeta vakwe Yehovha a nga va kombi xivono.+
י [Yod]
10 Vakulukumba va nhwanyana wa Siyoni va tshame ehansi emisaveni, va miyerile.+
Va tichele ritshuri etinhlokweni naswona va ambale swiambalo swo khwaxa.+
Vanhwana va Yerusalema va korhamise tinhloko ta vona.
כ [Kaph]
11 Matihlo ya mina ma vava hikwalaho ko rila.+
Ndzi chuhe ngopfu lerova endzeni* ka mina ka luma.
Mbilu* ya mina ya vava hikwalaho ka ku lovisiwa ka nhwanyana wa* vanhu va mina,+
Hikwalaho ka vana ni tincece leti titivalaka exikarhi ka muti.+
ל [Lamed]
12 Va tshamela ku vutisa vamana wa vona va ku, “Mavele ni vhinyo swi kwihi?”+
Loko va titivala ku fana ni munhu loyi a vavisiweke exikarhi ka muti,
Loko va ri karhi va hlala emavokweni ya vamana wa vona.
מ [Mem]
13 I yini lexi ndzi nga xi tirhisaka tanihi mbhoni,
Kumbe ndzi nga ku fanisa na yini wena nhwanyana wa Yerusalema?
Xana ndzi nga ku fanisa na yini leswaku ndzi ku chavelela, wena nhwana wa Siyoni?
Hikuva ku wa ka wena i kukulu ku fana ni lwandle.+ I mani loyi a nga ku horisaka?+
נ [Nun]
14 Vaprofeta va wena va vone swivono leswi nga mavunwa ni leswi nga pfuniki nchumu,+
A va ringetanga ku ku pfuna hi ku paluxa xihoxo xa wena leswaku u nga yisiwi evuhlongeni,+
Kambe a va tshamela ku ku byela swivono leswi nga mavunwa ni leswi kanganyisaka.+
ס [Samekh]
15 Hinkwavo lava hundzaka hi ndlela va phokotela mavoko va ku hleka.+
Va ba noti va hlamarile,+ va hlakahla tinhloko eka nhwanyana wa Yerusalema, va ku:
“Xana muti lowu hi wona lowu ku vuriweke leswaku wu ‘saseke ngopfu naswona wu tsakisa vaaki hinkwavo va misava’?”+
פ [Pe]
16 Valala va wena hinkwavo va ku hleka.
Va ba noti ni ku luma meno ya vona va ku: “Hi n’wi lovisile.+
Leri i siku leri a hi ri languterile!+ Ri fikile naswona hi ri vonile!”+
ע [Ayin]
17 Yehovha u endle leswi a a tiyimisele ku swi endla;+ u hetisise leswi a swi vuleke,+
Leswi a swi leriseke khale swinene.+
U hirimuxile a nga ri na ntwelavusiwana.+
U endle leswaku nala a tsaka hikwalaho ka wena; u engetele matimba* ya valala va wena.
צ [Tsade]
18 Mbilu ya vona yi huwelela Yehovha, wena khumbi ra nhwanyana wa Siyoni.
Mihloti a yi xiririke ku fana ni xinambyana nhlikanhi ni vusiku.
U nga wisi, tihlo ra wena ri nga wisi.
ק [Qoph]
19 Suka u yima! Bana mukhosi vusiku hinkwabyo.
Byela Yehovha hinkwaswo leswi nga embilwini ya wena u ri karhi u rila.
Tlakusela mavoko eka yena hikwalaho ka vutomi bya vana va wena,
ר [Resh]
20 Yehovha, languta vanhu va wena lava u va twiseke ku vava swinene.
Xana vavasati va fanele va tshamela ku dya vana va vona,+
Kumbe xana vaprista ni vaprofeta va fanele va dlayiwa endhawini yo kwetsima ya Yehovha?+
ש [Shin]
21 Mufana ni mukhalabye va file va lo n’walalala eswitarateni.+
Vanhwana ni majaha ya mina va dlayiwe hi banga.+
U va dlayile hi siku leri a wu hlundzukile; u va dlayeterile a wu vanga na ntwelavusiwana.+
ת [Taw]
22 U vitane swilo leswi ndzi swi chavaka swi huma ematlhelo hinkwawo, onge hiloko ku ri ni nkhuvo.+
A nga kona loyi a balekeke kumbe a pona hi siku ra ku hlundzuka ka Yehovha;+
Nala u lovise lava ndzi va velekeke ndzi tlhela ndzi va kurisa.+
א [Aleph]
3 Ndzi munhu loyi a voneke vanhu va xaniseka hikwalaho ka nhonga ya ku hlundzuka kakwe.
2 U ndzi hlongorile kutani a ndzi fambisa emunyameni ku nga ri eku vonakaleni.+
3 Voko rakwe ri lwa na mina siku hinkwaro.+
ב [Beth]
4 U tsanise miri wa mina a hlakata nyama ya mina;
U tshove marhambu ya mina.
5 U ake khumbi ri ndzi rhendzela; u ndzi rhendzele hi chefu yo bava+ ni hi maxangu.
6 U ndzi sindzise ku tshama etindhawini leti nga ni munyama, ku fana ni vanhu lava feke khale koloko.
ג [Gimel]
7 U ndzi rhendzerile hi makhumbi leswaku ndzi nga baleki;
U ndzi bohe hi tinketana ta koporo to tika.+
8 Loko ndzi kombela mpfuno ndzi ri emaxangwini, a nga xi yingisi xikhongelo xa mina.+
9 U sive tindlela ta mina hi maribye lama vatliweke;
U endle leswaku swi tika ku famba etindleleni ta mina.+
ד [Daleth]
10 U ndzi tumbelerile ku fana ni bere leswaku a ndzi hlasela, ku fana ni nghala leyi tumbeleke.+
11 U ndzi sindzise ku suka etindleleni ta mina a tlhela a ndzi phatlulela;
U ndzi endle ndzi nga ha pfuni nchumu.+
12 U kunge vurha byakwe, a ndzi yimisa leswaku ndzi copiwa hi nseve.
ה [He]
13 U tlhave tinso ta mina hi miseve ya nkotloto* wakwe.
14 Ndzi hundzuke xihlekiso eka vanhu hinkwavo, va ndzi hlekula hi tinsimu ta vona siku hinkwaro.
15 U ndzi dyise swo bava, a ndzi endla ndzi tshamela ku nwa xibaha.+
ו [Waw]
17 U ndzi tsona ku rhula; ndzi rivale leswi nga swinene.
18 Kutani ndzi ri: “Ku vangama ka mina ku herile ni ku langutela ka mina eka Yehovha.”
ז [Zayin]
19 Tsundzuka ku xaniseka ka mina ni leswaku a ndzi na kaya,+ tsundzuka leswaku ndzi dya xibaha ni chefu yo bava.+
20 U ta tsundzuka kutani u ta u ta ndzi pfuna.+
21 Ndzi tsundzuka mhaka leyi; hi yona yi endlaka ndzi rindza.+
ח [Heth]
23 I tintshwa mixo wun’wana ni wun’wana;+ wa tshembeka mikarhi hinkwayo.+
24 Ndzi te: “Yehovha i ndzhaka ya mina,+ hi swona swi endlaka ndzi n’wi rindza.”+
ט [Teth]
25 Yehovha hi lonene eka loyi a n’wi tshembaka,+ eka loyi a tshamaka a ri karhi a n’wi lava.+
26 I swinene leswaku munhu a rindzela+ ku ponisiwa hi Yehovha a miyerile.+
27 I swinene ku va munhu a langutana ni maxangu loko a ha ri muntshwa.+
י [Yod]
28 A a tshame a ri yexe a miyela loko Xikwembu xi ma pfumelela.+
29 A a titsongahate swinene xikandza xakwe xi khumba ntshuri;+ kumbexana ku nga ha va ku ri ni ntshembo.+
30 A a n’wi nyike rhama loyi a n’wi baka; a a khomiwe hi tingana swinene.
כ [Kaph]
31 Hikuva Yehovha a nge hi cukumeti hilaha ku nga heriki.+
32 Hambileswi a hi vangeleke gome, u ta tlhela a kombisa tintswalo ku ya hi rirhandzu rakwe lerikulu.+
33 Hikuva a nga swi tsakeli ku xanisa vanhu kumbe ku va twisa ku vava.+
ל [Lamed]
34 Ku kandziyela vabohiwa hinkwavo va laha misaveni hi milenge yakwe,+
35 Ku ka a nga kombisi munhu vululami emahlweni ka La Nge Henhlahenhla,+
36 Ku kanganyisa munhu loko ku tengiwa nandzu wakwe,
Yehovha a nga swi pfumeleli swilo swo tano.
מ [Mem]
37 I mani loyi a vuleke swo karhi kutani swi humelela loko ku nga ri Yehovha a leriseke leswaku swi humelela?
38 Enon’wini wa La Nge Henhlahenhla
A ku humi swilo swo biha ni leswinene hi nkarhi wun’we.
39 Hikwalaho ka yini munhu* a fanele a vilela hi vuyelo bya xidyoho xakwe?+
נ [Nun]
40 A hi kambisiseni tindlela ta hina hi ti lavisisa,+ hi tlhelela eka Yehovha.+
41 A hi kombeleni eka Xikwembu ematilweni hi timbilu ta hina hinkwato, a hi tlakuseni mavoko ya hina hi ku:+
42 “Hi dyohile hi tlhela hi xandzuka,+ wena a wu hi rivalelanga.+
ס [Samekh]
43 U sive ndlela yo tshinela eka wena u hlundzukile;+
U hi hlongorisile u hi dlaya a wu hi twelanga vusiwana.+
44 U sive ndlela yo tshinela eka wena hi papa, leswaku xikhongelo xa hina xi nga fiki eka wena.+
45 U hi endle nchumu wo hlekuriwa ni thyaka exikarhi ka vanhu.”
פ [Pe]
46 Valala va hina hinkwavo va hi hleka.+
47 Hi tshama hi ri karhi hi chava naswona hi phasekile,+ a ha ha ri na ntshembo naswona hi tshikilelekile.+
48 Ematihlweni ya mina ku khuluka swinambyana swa mati hikwalaho ka ku wa ka nhwanyana wa vanhu va mina.+
ע [Ayin]
51 Ndzi karhatekile hileswi matihlo ya mina ma swi voneke eka vanhwanyana hinkwavo va muti wa mina.+
צ [Tsade]
52 Valala va mina va ndzi hlotile ku fana ni xinyenyana, ku nga ri na xivangelo.
53 Va herise vutomi bya mina emugodini; va ndzi hoxetele hi maribye.
54 Mati ma khulukele enhlokweni ya mina kutani ndzi te: “Ndzi lovile!”
ק [Qoph]
55 Yehovha Xikwembu xanga, ndzi vitane vito ra wena, ndzi ri emugodini lowu enteke ngopfu.+
56 Twana rito ra mina; pfula ndleve ya wena leswaku yi ndzi twa loko ndzi kombela ku pfuniwa.
57 U tshinerile hi siku leri ndzi ku vitaneke ha rona. U te: “U nga chavi.”
ר [Resh]
58 Yehovha u ndzi lwerile ehubyeni, u ponise vutomi bya mina.+
59 Yehovha Xikwembu xanga, u vone swilo swo biha leswi ndzi endliweke swona; ndzi kombela u ndzi avanyisela hi ndlela yo lulama.+
60 U vone ku rihisela ka vona hinkwako ni leswi va kunguhataka ku ndzi endla swona.
ש [Sin] kumbe [Shin]
61 Yehovha u va twile loko va ndzi hlekula ni leswi va kunguhataka ku ndzi endla swona,+
62 Marito ya milomu ya vakaneti va mina ni ku ndzi hleva ka vona siku hinkwaro.
63 Va langute; loko va tshamile kumbe va yimile va ndzi hlekula hi tinsimu ta vona!
ת [Taw]
64 Yehovha, u ta va hakela hi ku ya hi swiendlo swa vona.
65 U ta va rhukana hi ku endla leswaku va va ni timbilu to nonon’hwa.
66 U ta va hlongorisa u hlundzukile, u va herisa ehansi ka matilo ya Yehovha.
א [Aleph]
4 Vona ndlela leyi nsuku lowu hatimaka wu dzwihaleke ha yona, nsuku lowunene!+
Vona ndlela leyi maribye yo kwetsima+ ma hangalakeke ha yona eswitarateni!*+
ב [Beth]
2 Vana va risima va le Siyoni, lava nga tshama va va va risima ku fana ni nsuku wa xiyimo xa le henhla,
Vona ndlela leyi va voniwaka va fana ni makhuwana ya vumba ha yona,
Lama endliweke hi muvumbi!
ג [Gimel]
3 Timhungubye ti humese mavele ti mamisa vana va tona,
Kambe nhwanyana wa vanhu va mina u ve ni tihanyi+ ku fana ni tinca emananga.+
ד [Daleth]
4 Ririmi ra ricece leri mamaka ri namarhela malaka ya rona hikwalaho ka torha.
Vana va kombela xinkwa+ kambe a nga kona loyi a va nyikaka xona.+
ה [He]
5 Lava a va tolovele ku dya swakudya swa xiyimo xa le henhla va etlele ni ndlala eswitarateni.+
Lava kuleke hi swiambalo swo durha*+ va handza matala.
ו [Waw]
6 Nxupulo* wa nhwanyana wa vanhu va mina i wukulu ku tlula nxupulo wa xidyoho xa muti wa Sodoma,+
Lowu lovisiweke hi nkarhinyana, ku nga ri na loyi a wu pfunaka.+
ז [Zayin]
7 Vanaziri+ va yena a va tenge ku tlula gamboko, va base ku tlula ntswamba.
A va tshwuke ku tlula tikorala; a va fana ni maribye ya nkoka lama vuriwaka safiri lama hatimisiweke.
ח [Heth]
8 Va ntime ku tlula nsiti;
A va ha tiviwi eswitarateni.
Tinyama ta vona ti khwanyanile ti namarhela marhambu;+ ti fana ni tihunyi leti omeke.
ט [Teth]
9 Va antswa lava dlayiweke hi banga ku tlula lava dlayiweke hi ndlala,+
Hikuva va hela matimba, va tlhaviwa hi banga hileswi ku nga riki na swakudya emasin’wini.
י [Yod]
10 Mavoko ya vavasati lava nga ni ntwelavusiwana ma sweke vana va vona.+
Va ve swakudya swa vona swa xirilo hi nkarhi wa ku wa ka nhwanyana wa vanhu va mina.+
כ [Kaph]
U lumeka ndzilo eSiyoni lowu hisaka masungulo yakwe.+
ל [Lamed]
12 Tihosi ta misava ni vaaki hinkwavo va yona a va tshembanga
Leswaku nala u ta nghena etigedeni ta Yerusalema.+
מ [Mem]
13 A ku ri hikwalaho ka swidyoho swa vaprofeta va yena, swihoxo swa vaprista va yena,+
Lava halateke ngati ya vanhu vo lulama exikarhi ka yena.+
נ [Nun]
14 Va tsendzeleke eswitarateni ku fana ni lava feke matihlo.+
Va lo juu, hi ngati,+
Lerova a nga kona loyi a kotaka ku khumba swiambalo swa vona.
ס [Samekh]
15 Va va huwelerile va ku: “Sukani! Mi thyakile! Sukani! Sukani! Mi nga hi khumbi!”
Hikuva a va ha ri na makaya vo tsendzeleka kunene.
Vanhu va matiko va te: “A va nge tshami na hina laha.*+
פ [Pe]
Vanhu a va nge va xiximi vaprista,+ a va nge vi na mhaka ni vakulukumba.”+
ע [Ayin]
17 Matihlo ya hina ma karhele ku langutela mpfuno kambe hi nga wu kumi.+
Hi langutele mpfuno etikweni leri nga hi ponisangiki.+
צ [Tsade]
18 Valala va hina va hi hlotile+ lerova hi tsandzeka ni ku famba eswitarateni.
Hi le kusuhi ni ku herisiwa; masiku ya hina ma herile hikuva makumu ya hina ma fikile.
ק [Qoph]
19 Lava hi hlongorisaka a va ri ni rivilo ro tlula ra magama.+
Va hi hlongorisile etintshaveni; va hi tumbelerile emananga.
ר [Resh]
20 Loyi hi hanyaka hikwalaho ka yena, muhlawuriwa wa Yehovha,+ u pfaleriwe emugodini wa vona lowukulu,+
Loyi hi vuleke ha yena hi ku: “Hi ta tshama endzhutini wakwe exikarhi ka matiko.”
ש [Sin]
21 Khana u tsaka, wena nhwanyana wa Edomu,+ loyi a tshamaka etikweni ra Uza.
Kambe ni le ka wena xinwelo xi ta hundzisiwa,+ u ta dakwa u famba u nga ambalanga.+
ת [Taw]
22 Wena nhwanyana wa Siyoni, u hetile ku hakela xihoxo xa wena.
A nge he tlheli a ku yisa evuhlongeni.+
Kambe u ta ba wena nhwanyana wa le Edomu hikwalaho ka xihoxo xa wena.
U ta paluxa swidyoho swa wena.+
5 Yehovha, tsundzuka leswi nga hi wela.
Languta u vona tingana ta hina.+
2 Ndzhaka ya hina yi nyikiwe vafambi, tiyindlu ta hina ti nyikiwe vanhu lava humaka ematikweni man’wana.+
3 Hi hundzuke vana lava nga riki na tatana; vamana wa hina va fana ni tinoni.+
4 Hi boheka ku xava mati+ yo nwa ni tihunyi.
6 Hi titshege hi Egipta+ na Asiriya+ leswaku hi kuma xinkwa lexi eneleke xo dya.
7 Vakokwa wa hina lava nga dyoha a va ha ri kona, kambe hina hi fanele hi rhwala vuyelo bya swihoxo swa vona.
8 Sweswi hi fumiwa hi malandza; a ku na munhu loyi a hi ponisaka eka wona.
9 Hi kuma xinkwa xa hina hi ku veka vutomi bya hina ekhombyeni,+ hikwalaho ka banga ra le mananga.
10 Nhlonge ya hina yi hisa ku fana ni xitiko xa ndzilo hikwalaho ka ku khomiwa hi ndlala swinene.+
11 Va pfinye vasati va le Siyoni ni vanhwana va miti ya Yuda.+
12 Tihosana ti hayekiwe hi voko ra tona+ naswona vakulukumba a va ha xiximiwi.+
13 Majaha ma rhwala ribye ro sila naswona vafana va wile hikwalaho ko rhwala tihunyi to tika.
14 Vakulukumba a va ha ri kona egedeni ya muti;+ majaha a ma ha chayi vuyimbeleri bya wona.+
15 Timbilu ta hina a ta ha tsakanga; ku cina ka hina ku hundzuke xirilo.+
16 Harhi yi wile enhlokweni ya hina. Khombo eka hina hikuva hi dyohile!
17 Timbilu ta hina ta vava hikwalaho ka leswi,+
Ni matihlo ya hina a ma ha voni kahle hikwalaho ka swilo leswi,+
18 Hikwalaho ka leswi Ntshava ya Siyoni yi nga rhumbi;+ timhungubye ti rhendzeleka kona.
19 Yehovha Xikwembu xanga, u tshama exiluvelweni xa vuhosi hilaha ku nga heriki.
Vuhosi bya wena i bya hilaha ku nga heriki.+
20 Hikwalaho ka yini u hi rivala hilaha ku nga heriki naswona u hi tshika nkarhi wo leha swinene?+
21 Yehovha Xikwembu xanga, hi tlherisele eka wena, kutani hi ta tlhelela eka wena hi ku hatlisa.+
Tlhela u hi tisela masiku yo tsakisa ku fana ni lawa hi nga tshama hi va na wona.+
22 Hambiswiritano, u hi lahlele makumu.
U hi hlundzukele ngopfu.+
Tindzima 1-4 i swirilo leswi tsariweke hi ku ya hi maletere ya Xiheveru.
Hi Xiheveru, “hleka.”
Muti wa Yerusalema wu munhuhatiwile.
Hi Xiheveru, “marhumbu.”
Kumbe “matimba hinkwawo ya.”
Kumbe “mpaxu.”
Kumbe “xileriso.”
Hi Xiheveru, “marhumbu.”
Hi Xiheveru, “Xivindzi xa mina xi chuluriwe emisaveni.”
Ku munhuhata hi ndlela yo phata, kumbexana ku kombisa ntwelavusiwana.
Hi Xiheveru, “rimhondzo.”
Hi Xiheveru, “emahandzeni ya tindlela.”
Ku nga xipachi xa miseve.
Hi Xiheveru, “munhu loyi a hanyaka.”
Hi Xiheveru, “emahandzeni ya tindlela.”
Hi Xiheveru, “va kurisiweke va ambala swo tshwuka.”
Hi Xiheveru, “Xihoxo.”
Kumbe “he vi valuveri laha.”