Vadyondzisi Va Pfula Nkarhi Wo Kambisisa Ntumbuluko

Xikolo xin’wana le Berlin, Jarimani, a xi ri na xifaniso lexikulu ekhumbini lexi kombisaka ndlela leyi xivumbiwa xo fana ni nghoviyana kumbe nkawu, ku vuriwaka leswaku xi hundzuke ha yona xi va munhu loyi hi n’wi vonaka namuntlha. Loko swichudeni swi ta exikolweni siku rin’wana, swi kume leswaku xifaniso lexi xi pfariwe hi pende yo basa. A ku humelele yini xana?

Xichudeni xin’wana xa malembe ya 16 hi vukhale, lexi vuriwaka Natalie, lexi nga un’wana wa Timbhoni ta Yehovha, xi vutise thicara wa xona wa ntivo-vutomi leswaku ha yini xifaniso lexi xi pfariwile. Thicara u vule leswaku xichudeni xin’wana xi n’wi nyike kopi ya buku leyi nge Life—How Did It Get Here? By Evolution or by Creation? Buku leyi yi n’wi tsakise swinene lerova a yi kombisa mathicara man’wana lama dyondzisaka ntivo-vutomi exikolweni. Buku leyi yi va nyanyurile na vona.

Hi loko, mathicara lawa, ma endla xiboho xo penda xifaniso, hi ku vula ka vona va te, ‘hi lava ku papalata ku onha mianakanyo ya swichudeni.’ Xisweswo, ematshan’weni yo dyondzisa swichudeni dyondzo ya hundzuluko ntsena, vadyondzisi lava va kunguhate ni ku dyondzisa ntumbuluko, va tirhisa rungula leri humaka ebukwini leyi nge Life—How Did It Get Here? By Evolution or by Creation?

Buku leyi yo tsakisa yi humesiwa hi Timbhoni ta Yehovha, nhlengeletano ya matiko hinkwawo leyi nga ni swichudeni swo tlula mune wa timiliyoni leswi tinyiketeleke ku pfuna vanhu leswaku va dyondza swo tala hi swikongomelo swa Xikwembu. Loko u swi tsakela ku kuma rungula leri engetelekeke kumbe dyondzo ya mahala ya Bibele ya le kaya, hi kombela u tsalela Watch Tower, Private Bag X2067, Krugersdorp, 1740, kumbe eka adirese yin’wana leyi faneleke eka leti nga eka tluka 5.

[Xifaniso lexi nga eka tluka 32]

Life—How did it get here? By evolution or by creation?