Nchavelelo Eka Lava Nga Ni Gome

N’wexemu Timbhoni ta Yehovha ti humese xiphephana xa matluka ya tsevu xi ri ni xihloko lexi nga laha henhla. Hi ndlela yo koma swinene, xi nyikela muxaka wa mpfuno lowu lava nga ni gome va wu lavaka. Xiphephana lexi xi komba leswaku Bibele i xihlovo lexikulu xa nchavelelo. Xi ni matsalwa yo tala lama kongomeke lama vulavulaka hi gome, ni lama nga tirhisiwaka ku pfuna vanhu lava nga ni gome.

Lembe leri nga hela hofisi ya rhavi ya Timbhoni ta Yehovha le Rhoma, Italy, yi amukele riqingho laha loyi a nga ri ba a nga te: “Ndzi lava ku mi nkhensa hikwalaho ka xiphephana lexi vulavulaka hi gome. Ndza ha ku xi kuma, naswona ndzi titwe ndzi susumeteleka ku mi bela riqingho ndzi ku inkomu. A ndzi si tshama ndzi hlaya nchumu lowu khutazaka hi ndlela leyi eka buku yihi na yihi ya ta vutshunguri. Ndzi rhandza ku mi buma hikwalaho ka leswi mi kotaka ku vula timhaka to tarisa xileswi eka nchumu lowutsongo hi ndlela leyi.

“Loko ndzi hlaya xiphephana lexi, ndzi khape mihloti. Ndzi rhandza ku mi khutaza leswaku mi ya emahlweni ni ntirho wa n’wina. I wa nkoka; mi fanele mi wu endla la Italy hinkwaro ni le misaveni hinkwayo.”

Loko u lava ku kuma kopi ya xiphephana lexi, Nchavelelo Eka Lava Nga Ni Gome, kumbe leswaku u kuma rungula leri engetelekeke, hi kombela u tsalela Watch Tower, Private Bag X2067, Krugersdorp, 1740, kumbe eka adirese leyi faneleke eka leti nga eka tluka 5.