Yi Byi Hungute Swinene Vuoswi

Muleteri wa le yunivhesiti ya le Oklahoma, le U.S.A., u vike leswaku buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka yi endle leswi vuriwaka laha henhla. Muleteri wa le Yunivhesiti ya le Langston u tsarile:

“Ndzi ta tsundzuxa munhu un’wana ni un’wana loyi a tirhanaka ni vantshwa lava nga le xikarhi ka malembe ya 13-18 ku tirhisa buku leyi ntsena. Yi hlamusela rimbewu hi ndlela leyi swichudeni swa hina swi faneleke swi ri tiva ha yona leswaku swi ta kota ku langutana ni swiphiqo swa vanhu va namuntlha lava pfilunganyekeke. Eka leswi mina ndzi swi tokoteke, ndzi kuma leswaku ya va pfuna ku tiva leswi humelelaka loko va hanya hi vuoswi. Yi endla leswaku va ma tiva kahle mavabyi ya rimbewu ya tinxakanxaka lama tlulelaka yo fana na AIDS, vuvabyi bya tingana, vuvabyi bya nhlonge ni chovhele.

“Loko u lava ku hlanganyela rimbewu, yi kombisa ndlela leyi u nga hlawulaka ha yona munghana wun’we wa ku tshama na yena, yi seketela ku tenga ka vukati. Hakunene ndzi swi tsakerile ku tirhisa buku leyi. Yi ni mpfuno emahanyelweni ya lava va yi tirhisaka. Hi xiye leswaku nhlayo ya vanhwanyana lava nga enongonokweni wa hina wo letela, lava kumaka makhwiri yi ye ehansi swinene endzhaku ka loko yi ve kona.”

Loko u lava ku kuma kopi ya buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka kumbe u tsakela ku va ni dyondzo ya le kaya ya Bibele ya mahala, hi kombela u tsalela eka Watch Tower, Private Bag X2067, Krugersdorp, 1740, kumbe eka leti nga eka tluka 5.