“Swi Ndzi Nonon’hwerile Ku Kula Handle Ka Yena”

“NDZI tsala endzhaku ka loko ndzi hlaye broxara leyi ya ha ku humesiwaka entsombanweni wa hina, Loko U Feriwa Hi Loyi U N’wi Rhandzaka, leswaku ndzi phofula ku nkhensa ka mina loku enteke ni loku humaka embilwini ka broxara leyi tsariweke hi vukheta swonghasi ni leyi tiyisaka ripfumelo.

“Ndzi ni malembe ya 18 hi vukhale. Tata wa mina u fe emhangwini ya movha loko ndza ha ri ni malembe ya nhungu, naswona hambi leswi leswi swi nga humelela malembe ya khume lama hundzeke, ndza ha titwa ndzi lahlekeriwile swinene endzeni. Swi ndzi nonon’hwerile ku kula handle ka yena. Ku ni swilo swo tala leswi a ndzi lava ku n’wi byela swona, ku swi endla na yena ni ku swi dyondza eka yena. Swa chavelela swonghasi ku tsundzuxiwa hi ntshembo lowu Yehovha hi rirhandzu a hi nyikeke wona, wa ku pfuka ka vafi! Swi ndzi vangela mihloti ematihlweni ya mina. Inkomu nakambe hikwalaho ko pfuxeta ntshembo wa mina.”—Mbhoni leyitsongo eAustria.

Mapapila yo tala yo fana ni lawa ma amukeriwile etihofisini ta Sosayiti ya Watchtower ta le New York. Broxara leyi ya matluka ya 32 yi nyika vanhu va timiliyoni nchavelelo, sweswi yi kandziyisiwa hi tindzimi ta 18. Loko u rila murhandziwa wa wena la feke, titwe u ntshunxekile ku kombela kopi ya buku leyi hi ku tsalela eka Watch Tower, Private Bag X2067, Krugersdorp, 1740, kumbe eka adirese leyi faneleke eka leti xaxametiweke eka tluka 5.