“Ti Ve Letinene Swonghasi!”

“I khale ndzi ri karhi ndzi tiphina hi ku hlaya Xihondzo xo Rindza na Xalamuka!, kambe emalembeni ya sweswinyana ti ve letinene swonghasi lerova swa tika ku kuma marito yo ti hlamusela. Ndzi lava ku ba mandla ndzi vuyelela hikwalaho ka rungula leri nga enkandziyisweni wa November 8, 1994 wa Xalamuka! ehansi ka tinhloko-mhaka leti nge “Vukhongeri Byi Yima Ni Tlhelo Ro Karhi” na “Sarajevo—Ku Sukela Hi 1914 Ku Ya Ka 1994.” Nyimpi ya xin’wana-manana exikarhi ka Bosnia, Serbia, na Croatia i nchumu lowu rharhanganeke lowu vavisaka mbilu kambe lowu khumbaka mbilu ya mina swinene tanihi leswi ndzi tshamaka eCroatia. Mina hi vumina ndzi tlangela ndlela leyi mi landzeleleke matimu ya nyimpi leyi ku sukela etimitswini ta yona hi 1054. Leswi swi xi veke erivaleni xiphemu xa vukhongeri ni matshalatshala ya byona lama yaka emahlweni ma nyanyise ku avana ni ku vengana eka vanhu lava va tinxaka leti. Khombo ra kona, namuntlha misava yo vona ntsena swo biha eka vanhu lava entiyisweni va nga bihangiki. Ndzi ba mandla ndzi vuyelela nakambe hi leswi xiyimo lexi xi pfilunganyaka miehleketo mi xi endleke xi twisiseka. [Nsayino] M. K.”

Xalamuka! yi tiendlele vito ra leswaku yi endla vulavisisi lebyi enteke ni ku vika swilo yi ri na xikongomelo. Nakambe i magazini lowu nyikaka ntshembo wa vumundzuku bya ku rhula lebyi sekeriweke exitshembisweni xa Xikwembu xo tisa misava ehansi ka vulawuri bya Mfumo wa xona.

Loko u tsakela ku hamba u hlaya magazini lowu, hi kombela u vonana ni Timbhoni ta Yehovha ta le ndhawini ya ka n’wina kumbe u tsalela eka adirese leyi faneleke eka leti nga eka tluka 5 ta nkandziyiso lowu.

[Xifaniso lexi nga eka tluka 1]

Right: Culver Pictures