“I Yinene Hakunene!”

◼ Le Brazil, mudyondzisi wa ntivo-misava u tsakisiwe swinene hi ndlela leyi Xalamuka! yi nga ya risima ha yona. U tsale a ku: “Ndzi kuma rungula ro tala leri ndzi nga ri tirhisaka ku dyondzisa ha rona eka magazini lowu ku tlula leri ndzi ri kumaka eka tibuku tin’wana leti endleriweke ku dyondzisa. Hambileswi tidyondzo ta mina ta vukhongeri ti nga faniki ni leti, kambe ndza pfumela hi ku helela leswaku Xalamuka! yi ni tidyondzo ta ntshima.”

Kambe, mudyondzisi loyi u swi xiyile leswaku Xalamuka! yo va wun’wana wa minkandziyiso yo tala leyi Timbhoni ta Yehovha ti yi tirhisaka. U tsale a ku: “N’wana un’wana wa xikolo la nga eka gredi ya vutsevu u ndzi lombe broxara leyi nge ‘Vona Tiko Lerinene.’ Ri ndzi hlamarisile rungula ra ntshima leri ndzi ri kumeke eka broxara yoleyo. I yinene hakunene! Ku kota ku vona hi tihlo ra mianakanyo swiendlakalo swa le Bibeleni ni lomu a swi endleka kona swi endla leswaku dyondzo ya Bibele yi va ya risima, ngopfu-ngopfu eka vantshwa.”

U engetele a ku: “Minkandziyiso ya n’wina yi kumeka kun’wana ni kun’wana: emabazini, eka vana va xikolo hambi ku ri etilayinini ta le banki. Ndza tsaka ku vona leswaku ti fika eka vanhu lava pfumalaka lava swi va tikelaka ku kuma rungula ra ntshima. Hi ri mi xumile.”

Broxara leyi nge “Vona Tiko Lerinene” yi kumeka hi tindzimi ta kwalomu ka 80. Yi ni mimepe yo tala ya mivalavala ni swifaniso leswi kombisaka tindhawu to hambana-hambana ta le minkarhini ya Bibele, ngopfu-ngopfu Tiko ra Xitshembiso hi minkarhi yo hambana-hambana. U nga ha kombela kopi ya broxara leyi ya matluka ya 36 hi ku tata xiphephana lexi kutani u xi rhumela eka adirese leyi kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi tisela broxara leyi nge, “Vona Tiko Lerinene.”

Kombisa ririmi ra kona.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.

[Laha Xifaniso Xi Humaka Kona eka tluka 32]

Swifunengeto swa broxara: Pictorial Archive (Near Eastern History) Est.