Buku Leyi Rhandziwaka Ku Tlula Tithoyi Hinkwato

Xana swi nga endleka leswaku vana va rhandza buku yo karhi ku tlula tithoyi? Swi nga endleka loko vatswari va va hlayela tibuku va ha ri tincece. Mebrahdtu na Angela, mpatswa wa le California, le U.S.A., va sungule ku hlayela xinhwanyetana xa vona buku leyi nge Dyondza Eka Mudyondzisi Lonkulu ku sukela loko xa ha ku tswariwa.

Vatswari lava va tsarile va ku: “Hikwalaho ka ku n’wi hlayela buku leyi nge Mudyondzisi u sungule ku yi rhandza. Loko a ri ni tin’hweti ta 12 ntsena, u sungule ku kombela leswaku hi n’wi hlayela buku leyi a a yi vitana buku ya Yesu. Sweswi Julianna u ni malembe manharhu naswona u tshama a wu rindzele hi mahlo-ngati nkarhi wa ku dyondzeriwa buku leyi siku ni siku hi mana wa yena kumbe tata wa yena. A ho hundzeleta loko hi vula leswaku xinhwanyetana xa hina xi yi rhandza ngopfu buku leyi ku tlula tithoyi hinkwato. Swifaniso ni swikombiso swa kona swa dyondzisa hi swoxe. Na hina vatswari va yena hi dyondze swo tala.”

U nga ha tikombelela buku leyi yo xonga leyi nga ni swifaniso leyi ringanaka ni magazini lowu kambe yona yi ni matluka ya 256. Lexi lavekaka wena u ngo tata xiphephana lexi nga laha hansi kutani u xi rhumela eka adirese leyi kombisiweke kumbe eka leyi faneleke eka leti longoloxiweke eka tluka 5 ra magazini lowu.

❑ Handle ka ku tiboha, ndzi kombela mi ndzi rhumela buku leyi kombisiweke laha.

❑ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.