Ndlela Yo Lulamisa Swiphiqo Ni Van’wana
Loko un’wana a hi twisa ku vava, hikwalahokayini hi fanele hi papalata ku hlundzuka kumbe ku rihisela?
Swiv 20:22; 24:29; Rhm 12:17, 18; Yk 1:19, 20; 1Pe 3:8, 9
Swikombiso swa le Bibeleni leswi nga hi pfunaka:
1Sa 25:9-13, 23-35—Loko Nabali a rhukana Davhida ni vavanuna vakwe a tlhela a ala ku va pfuna, handle ko anakanya Davhida a a endle xiboho xo n’wi dlaya ku katsa ni vavanuna vakwe, kambe xitsundzuxo xa vutlhari xa Abigayele xi pfune Davhida leswaku a papalata ku rihisela
Swiv 24:17-20—Hosi Solomoni u lemukise vanhu va Xikwembu leswaku a swi n’wi tsakisi Yehovha loko valala va hina va xaniseka naswona ha tiyiseka leswaku Yehovha u ta avanyisa lavo homboloka
Loko Mukreste a holove ni un’wana, xana u fanele a tshika ku vulavula ni munhu yoloye kumbe a tshika ku va munghana wakwe?
Lv 19:17, 18; 1Ko 13:4, 5; Ef 4:26
Swikombiso swa le Bibeleni leswi nga hi pfunaka:
Mt 5:23, 24—Yesu u hlamusele leswaku hi fanele hi endla hinkwaswo leswi hi nga swi kotaka ku endla ku rhula ni makwerhu loyi a hi hehlaka hi swo karhi